Ekkert skrítið að fylgi Samfylkingar dali nema...

ef litið er til þess að Samfylkingin hefur verið í stjórnarandstöðu. Ég fæ ekki betur séð en að sveitarstjórnarkosningarnar hafi áhrif á skoðanir fólks. Ef til vill á það bara við um áhrif borgarstjórnar.

Ég las Fréttablaðið í morgun og þar gat ég skoðað línurit nokkurra skoðanakannana. það sem ég tók sérstaklega eftir var að eftir sveitarstjórnarkosningarnar þá hefur fylgi Sjálfstæðisflokks dalað aðeins og fylgi Samfylkingar fallið niður um u.þ.b. 10% en fylgi hinna flokkanna hefur aukist og ekki síst Framsóknarflokks.

Ég veit ekki hvort innkoma Jóns og ráðherraembættisbreytingar hafa ráðið miklu um þetta eða hvort að það samkomulag sem að náðist á milli Framsóknar og Sjálfstæðismanna í borgarstjórn skipti þar sköpum.

Mig grunar að niðurstaða borgarstjórnarkosninganna ráði talsverðu og ef Björn Bjarnason myndi stíga til hliðar þá held ég að fylgi Sjálfstæðismanna myndi aukast. Ég hef heyrt fáa hæla honum og störfum hans en marga hneikslast á þeim. Björn er orðinn þreyttur, enda féll hann niður hér um daginn. Hann er líka allt of upptekinn af því hve óörugg Íslenska þjóðin er.

Ég tók líka eftir því þegar Framsókn og Sjálfstæðismenn voru búnir að mynda meirihluta í borgarstjórn hve erfitt það var fyrir Dag að óska þeim og borgabúum velgengni. Auðvitað þarf sterka einstaklinga til þess að standa í eldlínu stjórnmálanna og þeir þurfa líka að geta tekið því þegar þeir tapa. Mörgum kjósendum finnst það barnalegt þegar keppni um atkvæði hefur átt sér stað og sigurvegari stendur uppi að ekki sé hægt að taka því og læra af reynslunni. Stjórnmálamenn sem geta samglaðst með andstæðingum sínum, óskað þeim til hamingju eru líklegri til þess að geta átt árangursríkt samstarf við ólíka einstakæinga heldur en þeir sem geta helst bara starfað með sínum flokki eða nálægum flokkum. 

það verður gaman að fylgjast með þróun mála;) 

Dregur úr fylgi Samfylkingarinnar samkvæmt nýrri könnun

Vandaðar vísindagreinar, viðurkenndar heimildir

Setti linkinn inn á heimasíður/tenglar. Þessi síða nýttist mér vel í náminu og á áreiðanlega eftir að gera það áfram. Síðan er aðgengileg og það sem mér finnst svo gott við hana er að þegar ég hef leitað og fundið eitthvað sem passar mér þa´er einning bent á álíka efni og mjög auðvelt að velja það og skoða.

Þetta sparaði mér tíma við ritgerðarsmíði, en það vill oft fara mikill tími í leit. Ef að þú hefur áhuga á vísindagreinum þá hvet ég þig til að kíkja hér inn. það gæti hins vegar tekið frá þér tíma;) 

Viltu vita meira?

Ég var að fá eintak af New Scientist í pósthólfið mitt og þar var grein um rannsóknina á augunum sem eru að fylgjast með þér og vhernig áhrif það hefur á hegðun þína. Tveir forvitnilegir linkar eru hér og hér

Góða skemmtun ;)

Munkurinn sem seldi sportbílinn sinn

Hefurðu lesið bókina?

Ég frétti af þessari bók í gær og jafnframt að hún væri yfirleitt ekki inni á bókasöfnunum þrátt fyrir að einvher 5 eða 6 ár séu síðan hún var þýdd á íslensku.

það væri gaman að fá komment frá þér ef þú hefur lesið hana. Ég er enn að gera upp við mig hvaða bók ég á að velja til að lesa á hraðlestrarnámskeiðinu, þar sem ég nenni yfirleitt ekki að lesa skáldsögur ;) 

Ég ætla að trítla á bókasafnið seinna í dag eða á morgun og kíkja á bækurnar sem mér var bent á í gær. Las reyndar einvherja eina bók eftir Auði Haralds og var ekki hrifinn af henni en fékk a.m.k. tvær ábendingar um hana sem góðan/fyndinn höfund svo er spurning með 101 Reykjavík. Ég sá ekki myndina en hef heyrt vel af henni látið þannig að ef til vill fíla ég þá bók ;)

Annars þarf höfundurinn ekki að vera Íslendingur, bókin þarf að vera á íslensku þar sem að það er tungumálið sem ég hef mest lesið og hraðlesturinn byggist í upphafi á því skilst mér ,)

Var ekki Magni að tala um að stelpur hefðu ekki áður komið til greina?

Ég man ekki betur en að svo hafi verið þegar hann kom fram í Kastljósi,) Hann nefndi að mig minni r einhverja eina ákveðna, man því miður ekki hver hún var en ég tók því þannig að eins stelpa væri í 15 manna hópnum. Ég var því heldur betur hissa þegar ég las yfir þátttökulistann og lýsingu á þeim sem Magni þarf að keppa við.

Enginn furða að sviti spretti fram á ennið, það væri nú gaman að heyra sýnishorn frá þeim öllum, en ég óska Magna nú velgengni með enn meiri styrk en áður ;) 

Styttist í að Rock Star: Supernova hefjist

Er frelsi ekki lykillinn eða vöntun á frelsi skýringin

Hamingjan er eitthvað sem allir vilja vera aðnjótandi að. Þegar ég las fréttina um að Íslendingar væru hamingjusamasta þjóð í heimi þá rifjaðist upp fyrir mér efni sem ég las um í fyrra. 

Þetta var tilraun ( ég man því miður ekki úr hvaða kennslubók þetta var) sem fór fram á elliheimili. Á einni hæðinni  fékk fólk frelsi til þess að ráða sér meira sjálft. Það fékk pottablóm til að hugsa um. Blómin voru alfarið á ábyrgð þeirra. Fólkið hafði líka meira val um hvað það borðaði. Það gat tekið á móti gestum og verið með kaffi og einhvern léttan mat inni í íbúðinni sinni. 

Fólkið var ánægðara en fólkið á hinum hæðunum og það lifði lengur. Mér vað þá hugsað til munarins á þjónustuíbúðum og elliheimilum þar sem að fólk deilir oft herbergi með einum eða fleirum. að búa gamlafólkinu áhyggjulaust ævikvöld er ef til vill ekki hið besta mál.

Við virðumst þrífast vel við að bera ábyrgð á einhverju og hafa frelsi.

Talandi um frelsi þá detta mér áhrif trúarbragða í hug. Við Íslendingar búum við ákveðið frelsi þrátt fyrir að flestir tilheyri einhverjum trúarbrögðum. Ég þekki alla vegana ekki marga sem að finna fyrir kvöð þegar talað er um trú. Íslendingar eru ekki í trúarlegu stríði. Trúarátökin á Íslandi eru manna á milli þegar verið er að orðskakast vegna ólíkra skoðana. Reyndar ætti trú ekki að draga fram árasarhneigð, reiði , hatur, kúgun ofl. heldur skilning, kærleika, samhygð og þess háttar, en þannig er það nú samt.

Að ala á siðferðiskennd og náungakærleik einstaklingsins og treysta honum til að finna fótum sínum forráð leiðir fólk til hamingju. Hvað ætli mörg % fullorðinna hafi þörf til þess að láta ala sig upp? Ætli það veiti þeim ekki meiri hamingju, betri sjálfsmynd, meiri velgengni ef þeim væri treyst til að lifa lífi sínu?

Ég er frjáls, ég er frjáls dadaraddara....... og brosi allan hringinn eins og margir aðrir Íslendingar ;)

Var að fá upplýsingar um link á BBC um hamingjuna viltu taka hamingjutest hér 

Íslendingar hamingjusamasta þjóð heims

En spennandi

Aldrei hefði mér nú dottið í hug að hægt yrði að láta tennurnar vaxa á ný að minnsta kosti ef þú hefur rótina. Vísindin eru frábær, ákveðnar hljóðbylgjur sem nudda rótina eða góminn fá tönnina til að vaxa á ný.

Í fréttinni var líka talað um kjálkann, þannig að þetta virðist líka eiga við um beinin... hum

Ég hlakka nú til að sjá hvað þetta kostar. Hvað verður þá um tannsmiði? Eru stíftennur ekki settar ofan á rót? Verður þeirra vinna þá bara fólgin í því að smíða góma, miðað við að nýja tæknin þurfi rót tannarinnar til þess að hægt sé að láta tönnina vaxa á ný. 

Tennurnar endurnýjast

Afhverju ætli sé svona mikið stress í Osló?

Ég held að hraði nútímans eigi stóran þátt í stressi unga fólksins. Ég man eftir því þegar ég var að spjalla við fólk á aldrinum 18 -30 ára um breytta tíma frá því ég var á þessum aldri, þá sögðu stelpurnar að það væru gerðar miklu meiri kröfur til þeirra núna. Ung kona í dag þarf að vera "superwoman" með menntun og starfsframa til viðbótar við allt það sem þær þurftu áður að hafa eða geta. 

Ég var ekki hissa á þessu en hins vegar hissa á svörum strákanna. Þeim fannst gerðar til þeirra kröfur um að vera flottir, gáfaðir, menntaðir, fyndnir, ríkir og á sama tíma áttu þeir að vera góðir fjölskyldumenn tilbúnir til að hlusta og spjalla. Þeir voru því mjög óöruggir og næstum víst að einn maður gat ekki uppfyllt allar þessar kröfur.

Ef að þetta er rétt og á líka við um þá sem búa í Osló þá er ef til vill ekki skrítið að jafnvel matarlykt úr húsi nágrannans fari í taugarnar á þeim ;) 

Helmingur pirraður yfir nágrönnunum

What The Bleep Do We Know?

Hefurðu séð myndina? Ég hef séð viðtöl við sérfræðinga á ólíkum sviðum sem eru að fjalla um efni myndarinnar. Einhver sagði mér um daginn að þessi mynd væri til á Íslandi en ég hef ekki fundið út hvar hún fæst.

Umfjöllunarefni hennar er efni sem vísindi og trúarbrögð hafa fjallað um, veröldin og maðurinn sem í henni lifir.

Gaman væri að heyra frá þér ef að þú hefur séð myndina og ekki síst ef að þú manst eftir einhverjum ákveðnum punktum í henni. Ég hef heyrt að hún sé "mindshaking" ;)  Ef þig langar að kíkja á heimasíðu tengda efninu þá er hún hér

Gott að hann var ekki skelfingu lostinn

Steggja og gæsapartý fara stundum yfir strikið og úr því verður eitthvert slys sem enginn sá fyrir. Mér fannst fyndnast við fréttina að fjöldi björgunarmanna í lofti og landi væru að bjarga verðandi brúðguma sem flaut í flotgallanum hinn rólegasti og vissi ekki einu sinni að hann væri í hættu staddur ;)

Þetta minnir mig á eit sumarfríið með fjölskyldunni. Við fórum saman mamma, ég maðurinn minn og börnina okkar þrjú. Þau tvö elstu voru þá 15 og 12 ára. Einn daginn fórum við með rútu í tívólí. Þarna voru tugir þúsunda manna og við sem bjuggum í 700 manna þorpi á Íslandi.

Allt gekk að óskum þar til að við týndum eldri krökkunum. Ég rauk þá af stað og leitaði en allt kom fyrir ekki. Allt í einu sá ég hátalarakerfi í garðinum þannig að ég leitaði næst að einhverjum sem gæti leyft mér að kalla á þau í gegnum kerfið. Þetta var hið mesta mál. Ekki mátti nota kallkerfið nema í einhvrjum alveg sérstökum tilvikum og þetta var ekki eitt af þeim. Ég man enn hvað ég var taugveikluð yfir því að hafa týnt börnunum mínum. 

Krakkarnir skiluðu sér síðan sjálfir og í þessum stóra tívolígarði þá hittumst við á torginu við innganginn. Þau voru hin glöðustu búin að fara og prófa einhver tæki og draugahús og fleira sem boðið var upp á. Mikið var ég nú fegin að sjá þau aftur og hafði nú einvher orð um það. Hahahahaha

Þá horfðu þau hissa á mig og sonur minn þessi 11 ára sagði "já en mamma við vorum aldrei týnd, við vissum alltaf hvar við vorum....hum" hahahahahaha

gaman þegar svona minningar rifjast upp við það eitt að lesa fréttaskot ;) 

 

Brúðgumi á floti úti á firði

Hjálp.....fyndin skáldsaga á íslensku

þannig er mál með vexti að ég hef aldrei verið mikið fyrir skáldsögur. Tók mig reyndar til fyrsta veturinn sem ég bjó á Vopnafirði (1977-8) ;) og las tugi skáldsagna eftir erlenda höfunda. Viðbrigðin að flytja frá Reykjavík til Vopnafjarðar voru gríðaleg. Ég þekkti auðvitað engan og maðurinn minn fyrrverandi átti hugmyndina af því að flytja þar sem hann langaði til þess að starfa sem kennari úti á landi.

Ég varð síðan södd af skáldsagnalestri og las frekar lítið eftir það. Ég er meira fyrir alls konar fræðiefni og þá ekki síst það sem bætir einstaklinginn, líkamlega og andlega ;)

Nú er ég í vanda stödd. Ég er að byrja á hraðlestrarnámsskeiði 4 júlí, var að fá mail frá skólastóranum og á að mæta með skáldsögu grrrrrrr.... síðan ég las mailið þá hefur þetta sótt á huga minn. Nú e´g komst loks að niðurstöðu þess efnis að best væri fyrir mig að lesa eitthvað fyndið. 

Nú eru góð ráð dýr hvaða bækur á íslensku eru fyndnar??? HJÁLP!!!!!!!

Geturðu bent mér á einhverja fyndna bók og svo hleyp ég á safnið og athuga málið PLEASE 

Myndir af augum upp um allt ;)

Sé það tilfellið að heiðarleii fólks aukist ef að myndir af augum eru í nálægð þess þá ætti nú að koma slíkum myndum víða fyrir. Hver veit ef til vill er hægt að draga úr fjármálamisferli sem er orðið nokkuð áberandi í hér eins og annars staðar í heiminum.

Svo er spurningin hvort að myndir af augum auki heiðarleika á öllum sviðum. Það mætti svo nýta sér til framdráttar þegar einhver heit eru sett. Á skemmtistöðum ( gæti dregið úr framhjáhaldi;)), í eldhúsinu ef þú ert á sérstöku mataræði, svona mætti víða sjá hagnýtt gildi augnamynda hahahahaa

En þetta hljómar ódýr og einföld lausn og líklega spilar nú eitt og annað inn í þetta t.d. persónuleiki fólks. Sá hlýðni bregst líklega betur við þessu en t.d. uppreisnarkarakterinn eða hvað haldið þið??? 

Það væri nú bara snilld ef að myndirnar á veggjunum heima hjá okkur hafa svona óbein áhrif. Fleiri tæki og tól til þess að stjórna mannlegri hegðun, sinni eigin og auðvitað líka annarra hum...

Ég ætti kannski að fara að taka niður allar blómamyndirnar sem ég elska og fegra heimili mitt með  og fjárfesta í augnamyndum...hum??

Viltu vita meira???

Ég var að fá eintak af New Scientist í pósthólfið mitt og þar var grein um rannsóknina á augunum sem eru að fylgjast með þér og vhernig áhrif það hefur á hegðun þína. Tveir forvitnilegir linkar eru hér og hér

Góða skemmtun ;)

 

 

„Alsjáandi augu“ auka heiðarleikann

Sjálfsagt góður efniviður....

En hvernig er þetta með hina virku framsóknarmenn sem hafa staðið í eldlínunni undanfarið er enginn þeirra hæfur í formanninn eða hefur enginn þeirra áhuga á formannsstöðunni? Ég er bara hissa á þessari stöðu. Þetta lítur svolítið þannig út að flokkurinn eigi ekki álitlegan einstakling til þess að gegna því embætti að einhverra manna mati.

Fyrst lágu allra augu á Finni Ingólfs sem líka stendur fyrir utan flokkinn og reyndar hafa fleiri verið nefndir til, menn sem ekki eru í eldlínunni. Mér finnst þetta ótraustvekjandi en ef til vill eru framsóknarmenn síður leiðtogatýpur en annarra flokka menn eða minni mitt farið að gefa sig. Ég man ekki eftir svona uppákomu í formannshræringum áður.

Mér þætti nú vænt um ef einhver sem les þetta og veit betur muni fræða mig um það, því að trú mín á getu Framsóknarmanna til þess að vera sterkir stjórnmálamenn fer minnkandi. Eru flestir einstaklingar sem laðast að Framsókn og starfa fyrir hann ef til vill fylgjendatýpur en síður forystutýpur? Sjálfsagt eru margar fleiri ástæður fyrir þessu en fyrir mig eru þetta vonbrigði að vita það að flokkurinn er ekki með í fararbroddi einstaklinga sem hafa áhuga eða sem aðrir í flokknum hafa áhuga á að taka að sér formannsstöðu flokksins. 

Jón Sigurðsson gefur kost á sér í embætti formanns Framsóknarflokksins

Lífstíllinn ætti nú betur við bankareikninginn okkar heldur en líkamann!

Skyndibitafæðinu hefur aðallega verið kennt um offituvandann ásamt minnkandi hreyfingu. Sem sagt orkuríkt færði orkusparandi lífstíll ( tölvan, dvd-ið, góð samgöngutæki, lyftur góðir hægindastólar sem erfitt er að standa upp úr ;)) þessi lífstíll ætti frekar að eiga við um bankareikninga okkar en líkamann. Við leggjum inn og leggjum inn og tökum lítið út og líkaminn stækkar og stækkar ;)

 Ég man einnig eftir að hafa lesið um að minni svefn sé í raun fitandi. Þetta á samt ekki við um alla. ég þekki mjög granna einstaklinga sem sofa lítið að jafnaði og feitlagna einstaklinga sem sofa mikið að jafnaði, þannig að sjálfsagt er ekki um einn stakan orsakavald að ræða heldur tvo eða fleiri.

Ég hvet þig til að lesa fréttina á mbl.is en þar eru nokkrir Þættir nefndir. Það sem ég er hissa á er að ekki er Candida sveppurinn nefndur en mig grunar nú samt að hann sé mikill skaðvaldur. Það var hér um árið að mikið var skrifað um þennan svepp svonas eins og það væri tískubóla, svo hefur minna borið á umfjöllun um hann.

Ég hef verið mest alla ævi í kjörþyngd eða undir henni og brenndi of miklu þegar ég var 10-12 ára. Mamma og pabbi voru þá skilin og mamma flutti með okkur krakkana í nýtt hverfi. Ég missti því alla mína vini, fór í nýjan skóla og átti strembið ár framundan. Án þess að ég viti neitt um það en mig grunar nú samt að tilfinningalíðan spili einnig inn í neysluvenjur.

Eftir að ég átti síðasta barnið mitt sem er 8 ára í dag þá seig á ógæfuhliðina ég fór að leggja inn í líkamsbankann ,) Fyrir ári síðan fór ég til Matthildar Þorláksdóttur sem er heilprakter og notar einhvers konar mælitæki sem er tölvutengt og mælir meðal annars hvort gersveppurinn er til vandræða. Ég mældist með mikinn svepp. Ég var samt hissa því að ekki hafði ég nein ytri einkenni sem fylgja honum. Kviðarholið var hins vegar þanið og ég borðaði alls ekki mikið. Ég var búin að vera grænmetisæta + kjúklingur og fiskur í tvö ár. Margir héldu að ég myndi leggja af við það en svo var ekki ég hélt bara áfram að stækka.

Til að gera langa sögu stutta þá gerði ég allt sem ég gat til þess að fylgja eftir ráðleggingum hennar um breytt mataræði sem átti að stuðla að því að drepa sveppinn nánast niður. Eftir því sem mér skilst þá er hann til staðar hjá okkur öllum en við ákveðin skilyrði þá vex hann og yfirtekur góða gerlagróðurinn í smáþörmunum og heldur síðan áfram að blása út eins og svampur sem settur er í vatn.

Ger, sykur, sveppir og sterkja (kartöfflur, pasta) eru kjörin fæða fyrir hann og skapa þær aðstæður í innyflum sem hann vex vel við. Mér tókst að fylgja leiðbeiningum hennar í 6 vikur en svo gafst ég upp og fann ekki mikla breytingu.

Núna tæpu ári síðar keypti ég mér candida kit í heilsuhúsinu en það eru hylki með jurtablöndu sem vinnur gegn sveppnum og síðan hylki sem auka góðu gerlana. Það var tekið fram á umbúðunum að forðast áðurnefndar vörur ger, sykur... til þess að ná sem bestum árangri.

Mér þótti nú slæmt að geta ekki fengið mér rauðvínsglas en allur sykur út og allt ger út og ég held að það tvennt sé það allra allra versta sem maður setur í sig ef þetta ástand er til staðar.  Eftir þrjár vikur á miklu grænmetis og prótínfæði fann ég mun. Kviðarholið bara hjaðnaði niður og hélt því áfram. Ég var aldrei svöng en fann þó að einbeiting var ekki eins góð og venjulega. 

Ég veit ekki hvert samhengið er og á eftir að sjá hvað gerist eftir að ég hætti að taka inn töflurnar sem auka góða gerlagróðurinn. En það hafur ekkert annað breyst í lífi mínu, ég er ekki í meiri hreyfingu og borða mig alveg sadda, það sem ég borðaði minnst af voru kolvetni að undanskildum þeim sem voru í hýðishrísgrjónum, spelthrökkbrauði (án gers og sykurs). Mig grunar nú að hér á bak við liggi blanda af áhrifaþáttum en veit ekki hverjir það eru.

Það sem kom mér mest á óvart og var ástæðan að ég vildi blogga út frá þessari frétt var hin mikla þörf að troða sykri allar mögulegr vörur. Það eru til svo margar tegundir af kryddum að ég skil þetta bara ekki. Ég held líka að neytendur sé almennt ekki að lesa innihaldslýsingu allra þeirra vara sem þeir kaupa. 

Ég keypti til dæmis reyktan lax frá fyrirtæki á Akranesi. Þessi lax var verulega góður og sá ég hann sem góðan valkost ofan á spelt kexið mitt í staðinn fyrir osta sem ég hafði áður notað. Ég var búin að borða nánast eitt skykki ( 1/2 flak af meðalstórum lax) þegar ég einhverra hluta vegna fór að lesa innihaldslýsinguna (sennilega verið búin að lesa fréttablaðið og vantað eitthvað meira að lesa).

Innihald: lax, salt og sykur.......... þar fór það , er ekki verið að troða sykri í lax!!!!! ég varð auðvitað reið og svekkt því að ég sá á eftir laxinum sem áleggi. Ég hef nú verið að dreifa þessum upplýsingum til allra sem vilja heyra þær. Reyktur lax er bara fínn án sykurs. Ég kaupi ekki meiri lax frá þeim.

Sömu sögu má segja um Mjólkursamsöluna, það er sykur í nánast öllu. Sykur gerir mat bragðgóðan en getur skapað heilsuvanda hjá fólki síðar á ævinni. Þar að auki húkkast fólk á sykurbragðið. Það er góður sykur í ávöxtum og mun betri leið til þess að bæta bragð en að nota hvíta sykurinn. 

Ég varð nú harðari í því að lesa innihaldslýsignar og komst að því að það er bara erfitt að kaupa tilbúna vöru sem ekki inniheldur ger eða sykur. En þetta tókst og ég þarf að fara í búð og kaupa mér minni föt því að gamla mittið mitt er að koma aftur til baka eftir nokkurra ára fjarveru ;) 

 

Nýjar kenningar um offitu

En hvað þá með samkynhneigðar konur?

Það er ljóst að það er fylgni á milli sammæðra karlmanna og samkynhneigðar þess sem á eldri bræður. Einnig að það sé líffræðileg skýring þar sem að ættleiddir bræður sýna ekki slíka fylgni. Eitthvað er að gerast í hormónum eða boðefnum í líkama móðurinnar sem gæti varpað ljósi á þetta en að það sé móðurminni og að móðurlíkaminn skynji karlfóstur sem framandi, en hvað þá með samkynhneigðar konur?

Þetta vekur upp fullt af spurningum sem er auðvitað hið besta mál. Niðurstöðurnar eru áhugaverðar þó að orsökin sé ekki vituð. Að finna tengsl á milli einhverra þátta eykur væntanlega áhuga fleiri vísindamanna á frekari rannsóknum. 

Ég get vel trúað því að boðefna og hormónastarf í líkama móður hafi áhrif á þroska fósturs. Að móðir sé ekki haldin kvíða eða kvalin af alls konar verkjum á meðgöngu sé þáttur sem mikilvægt sé að einbeita sér að.

 

Aðstæður í móðurkviði geta gert karlmenn samkynhneigða skv. nýrri rannsókn

Eins gott að hann var ekki rekinn!

Mér brá nú bara þegar ég las fréttina um Johnny Depp "næstum því rekinn....Caribbean" Myndin hefði bara ekki verið sú sama. Ég á alla vegana erfitt með að sjá annan leikara fara í skóna hans. En svona er þetta nú yfirleitt, fyrsti söngvarinn sem söng uppáhaldslagið þitt tekur það best, eftirlíkingar verða alltaf eftirlíkingar. Ég hef hins vegar tekið eftir því hjá mér að t.d. sönglög sem ég var ekki hrifin af í frumflutningi urðu stundum frábær í endurútgáfu einhverra annarra. 

Mér fannst fyrri myndin skemmtileg og Johnny Depp heillaði mig sem leikari í hanni. Ég bíð því spennt eftir þeirri síðari, þakklát fyrir að hann fékk að halda hlutverkinu hjúkk....  

Depp var næstum því rekinn úr Pirates of the Caribbean

Hvað ætli þeir hafi í huga?

Vísindamennirnir vonast til þess að tölva sem getur lesið úr svipbrigðum tilfinningar okkar muni nýtast við auglýsingagerð. Hvað ætli sé átt við? Er ef til vill verið að tala um að auðveldar sé að stjórna neysluhegðun þinni ef hægt er að lesa tilfinningar þínar úr svipbrigðum þínum og nýta sér það?

Því miður þá er fréttin allt of grunn til að hægt sé að átta sig á því hvað liggur þarna á bak við. Það eina sem hún í raun segir er að verið sé að hann tölvu sem getur lesið úr svipbrigðum þínum tilfinningar þínar.

Þetta vekur upp ýmsar spurningar. Ég er ekki mikið fyrir auglýsignabæklinga sem streyma inn um blaðalúguna hvort sem ég bið um það eða ekki, né heldur símhringingar hinna ýmsu sölumanna alls konar vöru og þjónustu.

Við lifum í neyslu samfélagi sem er sjáflsagt ein af ástæðunum fyrir þeirri stöðugu mötun sem á sér stað í lífi okkar. Vandinn fyrir manninn er sá að hann er félagsvera, en það er síðan kostur auglýsenda sem hafa það markmið að selja eitthvað.  Eina vörnin verður þá ef til vill sterk skynsemi, þykkur framheilabörkur ;) og minnkun tilfinninga. En þetta eru auðvitað bara morgungetgátur þar sem að ég er að leika mér með frétt sem gefur f litlar upplýsingar. Ef til vill gæti ég fundið eitthvað um þetta á netinu en nú hefði verið "næs" að hafa heimild til að leita sé frekari upplýsinga;)

Tölva sem les svipbrigði

Prófatörnin

Það fór nú svo að ég þurfti að spreyta mig á öllum 20 einingunum þar sem að ég gleymdi að skrá mig úr einhverjum áfanganum ;) Ég hef alltaf virkað betur undir álagi og nú fóru hjólin að snúast hjá mér. Ég var nú samt ekkert sélega góð með mig eða þannig fannst ég þurfa meiri tíma eins og sjálfsagt allir aðrir stúdentar sem eru að undirbúa sig fyrir próf.

Á undanförnum árum hafði ég þó áttað mig á nokkrum grundvallar atriðum sem skiluðu mér besta mögulega árangri miðað við ástundunina sem ég hafði lagt í hvert fag. Ég fylgi þeim reglum sem ég hef sett mér.  

1. Góður nætursvefn daginn fyrir próf
2. Enginn lestur 2 klukkutíma fyrir próf
3. Slökunartækni og stöðug mötun á því að ég kunni það sem ég kunni og það sé það sem ég ætla að skila af mér á prófinu fái ég tækifæri til þess.
4. Þegar 1 klukkutími er í prófið og óöryggi skýst upp í kollinn á mér þá stýri ég meðvitað hugsuninni á próf liðinna ára sem mér gekk vel í. Ég rifja upp augnablikið þegar ég fékk góðar einkunnir.
   

Í prófatíðinni í vor notaði ég þetta eins og áður og fann ekki fyrir miklu stressi. Mér finnst  bæði gott og gaman að spjalla við samnemendur mína og mæti því snemma. Aðalatriðið er að hvíla heilann áður en til próflausnar kemur. Í vor voru miklar framkvæmdir á Háskólalóðinni og því fóru flest próf í sálfræðiskor fram í Eirbergi (við Landsspítala Háskólasjúkrahús). Ég þekkti ekki þetta hús og vissi heldur ekki hvernig væri að fá stæði þannig að ég fór bara fyrr af stað svo að ekkert stress færi í gang út af slíkum aukaatriðum.

Ég þreytti öll prófin og beið svo spennt eftir niðurstöðunum. Ég hef verið nokkuð nösk á að átta mig á því hverngi mér hefur gengið en þó er eitt og eitt fag sem erfitt er að greina. Tölfræðin var þetta fag í vor. Mér fannst þetta hafa verið í lagi en samt var ég ekki örugg. Ég vissi sitt af hverju um þær spurningar sem lagðar voru fyrir nemendur en hvort ég væri að svar því sem kennarinn var að fiska eftir vissi ég ekki.

Það var því svolítið skondið að þegar niðurstað kom og ég hafði náð prófinu þrátt fyrir að vera bara með 5,5 þá leið mér eins og ég hefði unnið milljón. Það fyndnasta við þetta var að þetta var lélegasti árangurinn. Sem betur fer bara 3 eininga kúrs. Ég þarf auðvitað að bæta mig í tölfræði III í haust þar sem að mig vantar tæplega helminginn af þeirri þekkingu sem kennarinn var að fiska eftir í prófinu í vor. En ég lauk sem sagt öllum 20 einingunum og er ánægð og glöð með þann árangur.

Þetta er spennandi keppni við sjálfan sig og vegna meðaltalið sem endar með að verða loka BA einkunn mín. Nú hefst alvöru keppni við að ná 1 einkunn + . Það verður því nóg að gera á næstu önnum ;) 

Fyrirhyggjan er alls ráðandi og er ég búin að semja við snjalla eiginmann minn um að vera einkakennari hjá mér alla laugardagsmorgna í vetur. Hann samþykkti það brosandi svo framarlega sem ég væri til í að vera sveigjanleg ef að hann þyrfti að vinna á laugardagsmorgni og færa þá kennsluna yfir á sunnudagsmorgun. Ég hef því í baráttuhug mínum ákveðið að leggja eigingirni minni og sýna samvinnu og auðmykt ef og þegar sú staða kemur upp ;) 

Take a brake!

Margir hafa velt því fyrir sér hvort að minnisfesting með flutningi upplýsinga úr dreka yfir á hin ýmsu svæði heilans eigi sér stað í svefni. Ekkert er vitað um það fyrir víst en nú hafa vísindamenn komist að því að einhvers konar endurspilun eigi sér stað í heila rottna sem hafa farið í gegnum völundarhús og þegar þær tóku sér pásu, fengu sér að borða eða snyrtu sig þá lýstust upp sömu taugafrumtengingar en reyndar aftur á bak og höfðu lýst upp þegar þær fóru í gegnum völundarhúsið. 

Þetta vekur upp spurningar um hvort að ekki sé verið að fórna dýrmætum tælifærum til minnisfestinga þegar pásum er fækkað í skólum og á vinnustöðum? Ég man eftir að hafa lesið fyrir mörgum árum síðan um það að best sé að læra í 20 mínútur og taka sér svo pásu og læra svo aftur í 20 mínútur og svo koll af kolli. Ef til vill tengist það þessari endurspilun og líklegum flutningi upplýsinga úr dreka yfir í heilabörk. Ef þú hefur áhuga á að lesa greinina m mikilvægi pásunnar þá er hún  hér

Þörfin til að stjórna umhverfi þínu og öllu sem í því er ;)

Ja mér svona datt það í hug að þessi mynd væri að uppfylla þá þörf
mannsins hahahahaha. Sólin ekki lengur miðjan heldur einstaklingurinn
með fjarstýringuna góðu....hum?  Ég hlakka til að sjá hana, alltaf
gaman að svona gríni. 

Adam Sandler á toppnum í Bandaríkjunum