Fréttamenn ættu að lesa textann yfir áður en grein er send inn!

"Niðurstöður norskrar rannsóknar benda til þess að tengsl séu milli andlegrar vanheilsu og neyslu sykraðra gosdrykkja. Þeir táningar sem mest drukku af gosi voru gjarnastir á að þjást af ofvirkni og andlegri vanlíðan ýmiss koknar. Rannsóknin var gerð á 5.000 unglingum, 15 og 16 ára gömlum.

Fylgst var með unglingunum og athugað hversu mikið þeir drukku af sykruðum gosdrykkjum. Þá svöruðu þeir spurningum sem tengdust andlegri líðan þeirra. Þeir unglingar sem sögðust sleppa morgun- og hádegismat drukku einna mest allra af gosdrykkjum. Niðurstöður rannsóknarinnar eru birtar í tímaritinu American Journal of Public Health en Reuters segir frá þessu."

Svona leit fréttin út þegar ég las hana.  Gjarnastir og ýmiss koknar voru orð sem ég hnaut um! Ég vissi ekki hvort ég ætti að hlæja eða gráta.................. en nóg um það

Það er auðvitað gott að vita hverjir eru gjarnastir til að gera eitthvað eða eru með ýmiss koknar vanlíðan hvað svo sem það nú  er!

Hvernig er þetta annars, geta menn skrifað fréttir fyrir mbl.is með ekki betri stafsetningu eða hæfileika til að þýða önnur tungumál yfir á íslensku en þetta?

Ég ætti ef til vill að sækja um "free lancer" starf hjá þeim?

En annars að öðru þá fannst mér efni greinarinnar áhugavert og myndi vilja kynna mér það betur! 

 

 

Tengsl milli neyslu á sykruðum gosdrykkjum og andlegrar vanlíðan

Athugasemdir

[gerður rósa gunnarsdóttir, 30.9.2006 kl. 05:55]

Í höfundarboxinu þínu stendur: líkmalega

Hvað þýðir það?

Enginn er fullkominn. ;)

[Sigríður Jósefsdóttir, 30.9.2006 kl. 11:11]

Maður skyldi nú ætla að þeir hefðu prófarkalesara á Morgunblaðinu. Annars fær maður alveg aulahroll niður í tær við að lesa sum bloggin sem birtast hér. Og ekki bara innsláttarvillur, heldur veit sumt fólk ekki hvar stafsetningarorðabókin er geymd í hillunni.

[Magga (IP-tala skráð) 30.9.2006 kl. 11:18]

Ja thetta er bara eins og thegar eg blogga. Eg tharf yfirleitt ad leidretta eftir ad eg birti thratt fyrir ad hafa lesid yfir. Thad liggur vid ad thurfi ad profarkalesa hja manni!! :)

[Birna M, 30.9.2006 kl. 12:17]

Hehe þa er alveg rétt, ég held kannski aðð ég hafi skrifað rétt en svo þegar ég fer að lesa oftar bloggin mín kemur stundum fyrir að ég þarf að leiðrétta. En ég held að við sem erum ekki fréttamenn séum afsökuð við höfum ekki prófarkalesara;)

[Pirraður á leiðinlegum bloggurum (IP-tala skráð) 30.9.2006 kl. 16:43]

Ég segi nú ekki annað en Guð minn almáttugur hvað sumir lesendur mbl.is eru smámunasamir og leiðinlegir! Hættiði bara að lesa mbl.is! Ertu í alvöru að skrifa heila bloggfærslu af því blaðamaður sló óvart einu sinni á k þegar hann átti ekki að gera það? Konar, ekki koknar, eins og ALLIR SJÁ! Fólk er gjarnt til einvhers, gjarnastur er kannski ekki fullkomini íslenska en HVAÐ MEÐ ÞAÐ? Ég held að fólk sem eyðir tíma sínum í svona bloggrugl eigi sér ekkert líf, svei mér þá! Og já, sæktu endilega um, þá fær fólk frí frá blogginu.

[Pirraður á leiðinlegum bloggurum (IP-tala skráð) 30.9.2006 kl. 16:45]

Ég segi nú ekki annað en Guð minn almáttugur hvað sumir lesendur mbl.is eru smámunasamir og leiðinlegir! Hættiði bara að lesa mbl.is! Ertu í alvöru að skrifa heila bloggfærslu af því blaðamaður sló óvart einu sinni á k þegar hann átti ekki að gera það? Konar, ekki koknar, eins og ALLIR SJÁ! Fólk er gjarnt til einvhers, gjarnastur er kannski ekki fullkomini íslenska en HVAÐ MEÐ ÞAÐ? Ég held að fólk sem eyðir tíma sínum í svona bloggrugl eigi sér ekkert líf, svei mér þá! Og já, sæktu endilega um, þá fær fólk frí frá blogginu.

[Sigrún Sæmundsdóttir, 30.9.2006 kl. 17:57]

ÆÆÆ Ef að fólki líkar ekki bloggið, því þá að vera sóa tíma í að lesa það ????? Bara sleppa að fara inn á hjá þeim og lesa bara það sem manni líkar. En út í aðra sálma, ertu búin að frétta eitthvað af tónleikum Pálína????

[Sigrún Sæmundsdóttir, 30.9.2006 kl. 17:59]

GLEIMDI

Dílana verður aðalgestur í 6-7 á mánudag..........

[Pirraður á Pálínu (IP-tala skráð) 30.9.2006 kl. 19:13]

þetta er undarleg vörn, að snúa upp á þann sem gerir athugasemd svona. ég les allar athugasemdir, ef eitthvað af viti skyldi vera þar að finna. Pálína er stundum ágæt, en í þetta sinn ekki. Gleymdi, ekki gleimdi.

[Jóhanna Magnúsar- og Völudóttir , 1.10.2006 kl. 08:31]

Búið er að leiðrétta fréttina - svo allir geta verið ánægðir! Mér finnst að vísu þetta vera mjög merkileg sannindi og auðvitað hlýtur þetta að vera ein af skýringum fyrir aukinni ofvirkni og depurð ungmenna og barna. Önnur skýring er auðvitað of mikið sjónvarps- og tölvugláp og innivera.

[Pálína Erna Ásgeirsdóttir, 1.10.2006 kl. 17:45]

Takk fyrir kommentin. Mér finnst mikill munur á því hvort ég er að lesa blogg eða fréttir sem starfandi einstaklingar senda frá sér. Mér dettur ekki í hug að hætta að lesa Mbl.is þrátt fyrir að mér hafi dottið í hug að gera athugasemd. Ég lít svo á að þegar við gerum athugasemdir þá er hægt að lagfæra þær sem ég væri nú bara ánægð með ef það að skrifa fréttir væri launað starf hjá mér.

Ég meinti nú ekkert illt með þessu og þakka fyrir ábendingu um villu í höfundaboxi.

Það er gleðiefni að búið sé að leiðrétta fréttina til þess var nú leikurinn gerður.

Sigrún ég hef því miður ekkert frétt af tónleikunum er á fullu að vinna í verkefnum núna.

[Sigrún Sæmundsdóttir, 1.10.2006 kl. 19:16]

Birna fór ha ha, öfunda hana, hún verður að leiða okkur í allt sem skéði.

[Pálína Erna Ásgeirsdóttir, 2.10.2006 kl. 18:15]

Já Sigrún það er ekkert smá sem ég samgleðst með henni :)

Ertu komin í bæinn?

[Kristín Kristjánsdóttir (IP-tala skráð) 2.10.2006 kl. 21:05]

Þar sem þú varst að tjá þig um óljósar upplýsingar í fréttum um hinar og þessar rannsóknir í fyrra bloggi þá langar mig að velta einu upp sem kemur oft fyrst upp í hugann á mér þegar ég les um rannsóknir í svona stuttum fréttaklausum: Hvort kom á undan gosdrykkjarþambið eða ofvirknin og andlega vanlíðanin? Gerðu rannsakendur bara fyrirfram ráð fyrir því að gosdrykkirnir væru orsök en ekki afleiðing eða var eitthvað sem sannaði það að þeir væru ekki bara afleiðing lífernis sem fylgir andlegum erfiðleikum? Nú vil ég samt taka það fram að fyrirfram geri ég sjálf ráð fyrir því að heilsusamlegt matarræði leiði af sér betri andlegri heilsu en mér þætti bara betra að vita að rannsóknin hafi verið almennilega unnin því þá er betra að vitna í hana og nýta sér þær upplýsingar sem hún á að veita.

[Sigrún Sæmundsdóttir, 3.10.2006 kl. 11:48]

Nei Pálína. en ég verð fyrir sunnann 25 okt. Ég verð líklega búin í rannsókn upp úr hádegi og við ættum að fá okkur kaffi ef þú verður ekki á fulli í skóla og öðru.

[Pálína Erna Ásgeirsdóttir, 3.10.2006 kl. 17:04]

Kristín það kemur einmitt svo lítið fram í þessari frétt að ég varð fyrir hálfgerðum vonbrigðum þegar ég las hana.

Seinni hluti hennar er "Fylgst var með unglingunum og athugað hversu mikið þeir drukku af sykruðum gosdrykkjum. Þá svöruðu þeir spurningum sem tengdust andlegri líðan þeirra. Þeir unglingar sem sögðust sleppa morgun- og hádegismat drukku einna mest allra af gosdrykkjum. Niðurstöður rannsóknarinnar eru birtar í tímaritinu American Journal of Public Health en Reuters segir frá þessu."

Ég veit ekki í hvapa tímariti og nennti ekki að leita hana uppi. Stundum koma samt fréttir af svipuðum toga og þessi en eru þá með góðar tilvísanir þannig að lesandinn getur farið og náð sér í frekari upplýsingar.

Ég tek undir orðin þín.

Sigrún ég ætla mér að finna tíma það væri svo gaman að hitta þig snöggvast.