Þvílíkar annir

Ég get nú ekki annað en hlegið. Ég sem hélt að þegar Rockstar væri búið þá myndi bara allt falla í ljúfa löð og ég hefði þá ekkert nema tíma. Svei mér þá, ég hef nú bara ekki þurft að sinna eins mörgum málum á einni viku eins og þessari sem er að líða.

Ég hef varla fylgst með fréttum. Stóra verkefni vikunnar er óútskýranleg yfirlið sem dóttir mín er að fá af og til. Enn hefur ekkert komið í ljós hjá lækninum en við bíðum eftir tíma hjá sérfræðingi. Það sem ég er mest hissa á er að þar sem ég hef tjáð mig um þetta þá hef ég heyrt af álíka dæmum og jafnvel 2ja ára rannsóknum sem enn eru ekki að skila neinum jákvæðum niðurstöðum.

Ég vona nú að þetta sé ekkert alvarlegt. Skólinn er auðvi8tað kominn á fullt og lifi ég í voninnium að vera kominn í námsmegagírinn minn ekki seinna en á sunnudaginn ;) Ég er nú að gera það sem ég get en finn að þetta er ekki alveg komið hjá mér.

Prófin fara nú að hellast yfir eitt af öðru sem er bara hið besta mál því að þá er ekki hægt að skorast undan því að læra á fullu.  

Ég var í hugfræði í gær og þar vorum við látin gera stórsniðuga æfingu. Við vorum auðvitað hálfhlæjandi í þessu nema hvað, enda alltaf gaman að prófa sjálfur hvernig heilinn í manni virkar eða þannig ;)

Ég mana þig bara í að prófa þetta ef til vinn sendi ég einhver komment inn til að útskýra það betur hvað veldur því hversu auðvelt eða erfitt er að leysa þetta litla verkefni.

 

Lestu textann í hljóði en segðu

jafnframt lalalalalalalala... upphátt

• „Svo sé ég hvað það er sko, hvað maður

getur spilað inn á þessa kalla sko, maður

bíður þeim í kaffi sko, þú veist, maður þarf

ekki að eyða nema 500 kallinum í það sko,

og maður kannski kemur út með 2–3

milljónir, það er alveg frábært að nota

sálfræðina soldið …“

($órhallur Sign"jarson í kvikmyndinni Íslenski draumurinn)

Telji! bókstafina í huganum en segi!

jafnframt lalalalalalalalala...

• „En kæri vinur, kenning öll er grá, og grænt

er lífsins gullna tré. “

(Úr Fást eftir Goethe)

 

Athugasemdir

[Sigrún Sæmundsdóttir, 21.9.2006 kl. 19:50]

Þegar ég las,, yfirlið,, þá kom upp í hugan það sem mið dóttir mín þurfti að ganga í gegnum í allt of mörg ár. Hvað er dóttir þín gömul????

[Pálína Erna Ásgeirsdóttir, 21.9.2006 kl. 19:52]

Sextán ára

[Sigurveig (IP-tala skráð) 21.9.2006 kl. 20:25]

Sæl Pálína
Rakst á síðuna þína og hef gaman að kíkja við og við, svo ég ákvað að láta verða af því að kvitta.
Kveðja
Sigurveig Egilsstöðum (áður Vopnafirði)

[Sigrún Sæmundsdóttir, 21.9.2006 kl. 20:41]

Mið dóttir mín var svona og enginn fann neitt, þrátt fyrir margar rannsóknir. Svo kom i ljós um 14 ára að hún var með smá innfallin brjóstkassa ( það fann ungur læknir sem hafði áhuga á þess, að tilviljun, hann kom að henni meðvitundalausri) og önnur hjartalokan vann ekki eðlilega. Það var búið að segja hana með flogaveiki og annað eftir því.

[Pálína Erna Ásgeirsdóttir, 21.9.2006 kl. 20:54]

En gaman að heyra frá þér Sigurveig :)

[Pálína Erna Ásgeirsdóttir, 21.9.2006 kl. 20:57]

Já það virðist oft vera erfitt að finna skýringu á þessu, Mikið voru þið heppnar. VAr þá hægt að gera eitthvað fyrir hana til að koma í veg fyrir þetta?

[Sigrún Sæmundsdóttir, 21.9.2006 kl. 21:23]

Hennar vegna var ekki gerð að gerð. Hún finnur fyrir þessu,en er búin að læra á sig. Verst fannst henni er þetta kom fyrir þegar hún var að skemmta sér með vinum, eða í vinnu, eins í skólanum og í prófum, kom fyrir að hún fann þetta og lagðist´þá á gólfið með lappir upp á stól í miðju prófi. Hún er 24 ára í dag, en dóttir þín er á viðkvæmum aldri.

[Pálína Erna Ásgeirsdóttir, 21.9.2006 kl. 21:40]

Já svona er þetta sumt þurfum við að læra að lifa með. Takk fyrir að deila þessu með mér Sigrún.

[Birna M, 21.9.2006 kl. 23:15]

Sama segi ég eftir RS alveg vitlaust að gera, samt fann maður fyrir vissum tómleika, en samt, gott að þetta var ekki endalaust. Athyglisvert þetta með dóttur þína, vona að eitthvað komi útúr þessu hjá henni og hægt verði að laga. Ég mun þurfa svolítið tilhlaup í þetta próf hjá þér;) Kærar kveðjur og takk.

[Pálína Erna Ásgeirsdóttir, 22.9.2006 kl. 08:35]

Ef þið prófið þetta þá komist þið líklega að þeirri niðurstöðu að tiltölulega auðvelt er að framkvæma fyrra prófið og alveg sérstaklega ef þið eruð vön hraðlestri en seinna prófið er bara ótrúlega erfitt. Ef til vill frekari útskýringar siðar;)

[Sigrún Sæmundsdóttir, 22.9.2006 kl. 12:16]

Gangi ykkur mæðgum allt í hagin. Já þetta próf, þetta seinna vefst fyrir mér.

[Pálína Erna Ásgeirsdóttir, 23.9.2006 kl. 18:03]

Varðandi prófin þá er mjög erfitt að leysa seinna prófið en það fyrra ætti að vera léttara. Ástæðan er sú að eftir því sem að þú lest meira þeim mun fleiri orð kanntu. Þú lest þau ekki í rauninni heldur tekur mynd af þeim með augunum.

Í seinni ertu hins vegqr að telja og þarft að nota annað svæði í heilanum til þess og þess vegna er það ill leysanlegt. Mér tókst þetta þegar ég fór að para orðin eða telja þau í kippum ;)