Allt verður svo vanmáttugt og smátt

Þegar náttúruöflin láta til sín taka þá er máttur mannsins lítill. Ég finn til mikillar samkenndar með fórnarlömbum þeirra. Áfallið er mikið og margir að missa allt sitt. Eitt er að missa eigur sínar og getur það verið þung raun fyrir þann sem í þeim sporum stendur, en að missa börnin sín, maka eða aðra ástvini er óbætanlegt. Áfall sem sumir komast illa yfir eða jafnvel aldrei.

Það er líka svo einkennilegt en að lesa fréttirar af jarðskjálftunum á Jövu, skoða myndir eyðileggingar og sorgar gerir mann orlausan. Hvað er hægt að segja? Mig langar til að segja svo margt en orðin streyma engan veginn fram. Margir íslendingar geta sjálfsagt sett sig í spor fólksins hvað varðar hreyfingu jarðar og eignaspjöllin sem urðu en að missa fjölskyldu sína í sama áfallahríðinni hver getur sett sig í þau spor?

Þvílík reynsla fyrir unga 17 ára stúlku að upplifa og sjá þau áhrif sem jarðskjálfti 6,2 stig á Richter hefur. Þegar hugsað er til reglna um styrk húsbygginga t.d. á Íslandi og þau áhrif sem skjálfti af þessum styrk myndi hafa hér hvað þá í Indónesíu þar sem aðrar reglur ríkja.

Íslensk stúlka í Yogyakarta: Mikil ringlulreið skapaðist eftir jarðskjálftann

Ætli það sé valkvíðinn?

Kjörsókn hefur ekki veri hægari síðastliðin 4 kjörtímabil bara rúm 12% búin að hala sér á kjörstað og staðsetja Xið sitt.

Ef til vill er bara of kalt úti og allt of mikil fyrirhöfn að dúða sig. Leyfum bara sólinni að verma landið og stökkvum á kjörstað um sex leitið! Ég er auðvitað í hópi þeirra 88% sem ekki hafa skilað seðlinum sínum í kassann.

Ég var að reyna að tvinna saman frétt af ruv og skiptingu atkvæða á milli hverfa og síðan þeirra upplýsinga um kjörsókn sem ég las í frétt á mbl.is en gafst upp. Þetta var nú samt svolítil skemmtun að pæla aðeins í því hvort persónuleikarnir em kjósa ákveðna flokka séu áberandi meira A eða B týpur. Sumir vakna snemma og drífa þetta af en öðrum hentar að sofa út og kjósa seint og síðar meir. Ég hef nú ekki pælt í þessu áður en það væri nú gaman að fylgjast með þessu. Við getum  samt ekki séð þetta nema í gengum skoðanakannanir innan hverfa. Hve margir kjósa hvað í hvaða hverfi og hversu mikil kjörsókn er í hverfinu. Alltaf gaman að pæla. Ef að pólitískir meginstraumar væru nokkuð þekktir innan hverfanna þá væru kosningar auðvitað ekki mikið spennandi. Við gætum þá skotið á niðurstöður allt út frá því hvaða hverfi eru búin að skila inn sínum atkvæðum ;)

Kjörsókn fer rólega af stað í Reykjavík

Við vitum þá væntanlega hvaða flokk skríllinn tilheyrir ekki

Einkennilega til orða tekið að Frjálslyndir og óháðir hafi einir orðið fyrir skrílnum. Samkvæmt orðabók menningarsjóðs þá er skríll = ruslaralýður, siðlaus múgur eða aga og menningarlaust fólk.

Hverjum ætli þessi ruslaralýður tilheyri. Líklega tilheyrir hann engum samanborið mennignarlaust fólk. Líklega hefur hér verið um einhverja múgæsingu að ræða. Einn eða tveir hafa verir verulega óhressir með Frjálslynda og óháða og restin ótreg í taumi.

Það er ekki laust við að það sé heitt í kolunum á Króknum. En svona að öllu gríni sleppt þá er alltaf sorglegt að öðlast vitneskju um vanmátt mannsins fyrir hvatvísi sinni. Að heyra af því þegar tilfinnignar taka völdin og öll skynsemi virðist á braut. Samkvæmt nýlegum rannsóknum á heilaberki manna þá er fylgni á milli þess að geta ekki beitt skynsemi þegar slíkar tilfinningar eða árásarhneigðar og þynnri framheilabarkar. En það eru nú seinni tíma pælingar. 

Ég sendi Frjálslyndum og óháðum á Króknum samúð mína.

Skemmdarverk á kosningaskrifstofu Frjálslyndra í Skagafirði

Eins gott að frétt í SUN sé byggð á misskilningi annars....

Ganga morðingjar og barnaníðingar lausir í Bretlandi? Má það vera að 500 sjúklingum sé sleppt af réttargeðdeild án þess að vísa þeim úr landi eða gera aðrar ráðstafanir sem gætu tryggt fólki meira öryggi? Það væri fróðlegt að vita hvernig slík ákvörðun væri rökstudd.

SUN flytur fréttir af því að lögreglan leiti að 500 fyrrverandi sjúklingum. Samkvæmt þessu þá gætu þeir alveg eins verið einhvers staðar í Bretlandi. 

Svona fréttir hreyfa alltaf örlítið við mér. Hvað er rétt að gera? Ef fréttin er byggð á misskilningi var þá ekki verið að koma óþarfa ótta inn hjá fólki? Hvað ef hún er rétt á fólk þá ekki rétt á að vita af þessu svo að það geti verið varara um sig. Sjálfsagt eru kostir og gallar við báða valkostina eins og yfirleitt er um öll mál sem fjallað er um. Samt er það nú þannig að ég trúi því að í sem bestu jafnvægi sé styrkur mannsins mestur. Kvíði er aldrei af hinu góða þó að ótti geti orðið þér til bjargar vegna aukinnar getu til að hlaupa hraðar, berja fastar og þannig lifa skelfinguna af. 

Upplýsingar um að erlendum sakamönnum hafi verið sleppt af breskum réttargeðdeildum

Vantar vaxandi eftirvæntingu fast and free...

Kosningavökur ljósvakans færast nær mér og nær. Valkvíðinn er farinn og sú ákvörðun verið tekin að breyta út af vananum og mæta seint á kjörstað. Venjan er að fara eldsnemma og helst um leið og opnað er. 

Ég hef alltaf fylgst með úrslitunum og verið með í kosningavökunni þó að val mitt hafi verið að sitja heima í stofu með fjölskyldunni. Þá þarf ég næst að taka ákvörðun um það hvaða sjónvarpsstöð ég á að horfa á .... hum...Ég hélt að ég væri í fríi! Þetta er á við harðasta vinnudag.

Ég gæti auðvitað nota fyrri aðferð og kastað upp teningi eða hvað?

Leyft einvherjum öðrum að ráða, en það er auðvitað stórhættulegt að koma þeim sið á.

En fyrst af öllu þá þarf ég að auka eftir væntinguna því að annar missi ég bara af kosningavökunni þar sem að ég kem ekki til með að kveikja á henni! 

Hvað get ég gert til þess að auka eftirvæntingu mína og tilhlökkun, sannkallaðan Eurovisíonfíling... ég meina kosningafíling? 

Kosningavökur ljósvakans

Eitt af bestu í Evrópu :-)

Einmitt afhverju er ég ekki hissa á því? Jú eins og ég bloggaði hér í gær þá erum við að tala um Þjóðminjasafnið okkar.

Í tilefni viðurkennignarinnar verður aðgangur frír í safnið til 31. maí! Alveg gráupplagt að drífa sig. Mér fannst nú þvílíka snilldin hjá þeim með lýsinguna. Þegar inn í salinn er komið þá er frekar dimmt en í sumum skápanna eru einhversstaðar skynnemar þannig að þegar þú nálgast skápinn þá kviknar ljós

Mörg borðanna eru líka þannig hönnuð að þú ýtir á hnapp til þess að kveikja ljós í þeim. Frábær hugmynd til þess að varðveita hlutina. En orð eru fátækleg til þess að lýsa þessu þannig að setjum X við Þjóðminjasafnið! 

Valkvíði

Ég var að lesa fréttirnar á ruv.is og rakst þar á grein um valkvíða á kosningadag! Alltaf heyrir maður eitthvað nýtt, ekki að það sé eitthvað ónýtt en að þora ekki að fara að kjósa vegna þess að ég veit ekki hvað ég á að kjósa!

Ég hef reyndar aldrei áður át í neinum vandræðum með að kjósa og hef lagt metnað min í að mæta snemma og vera stolt af því að nýta atkvæði mitt vel. En í dag veit ég ekki hvað ég á að gera. Ætli það sé einhver valkvíði í mér..... nei það held ég ekki mér finnst hins vegar súrt að atkvæði mitt fari fyrir lítið. Ég var að velta þessu fyrir mér í gær og skil ekki hvers vegna mér finnst ekkert frambærilegt eða trúlegt við framboðin.

Situr það ef til vill enn í mér þegar ég kaus síðast? Þá valdi ég að gefa Samfylkingunni atvæði mitt vegna þess að mér leist svo vel á Ingibjörgu Sólrúnu. Hún væri kona orða sinna og það er einn af mikilvægustu þáttum stjórnmálamanns að mínu mati. En hvað gerðist? Ingibjörg skipti yfir í landspólitíkina og stóð ekki við orðin sín. Hversu mikið er hægt að taka mark á því sem frambjóðendur segja?

Ætti ég þá bara að sita heima og prófa það svona einu sinni? Það finnst mér hræðileg tilhugsun, nú eru góð ráð dýr. Þar sem að ég virðist ekki sjá neinn valkost í ár en er að vandræðast með atkvæðisréttinn minn, þetta mikla vald sem mér er gefið  hvað geri ég þá. Ég valdi að fara snemma á fætur og anda að mér fersku morgunloftinu, hugleiða og finna innri styrkinn minn.

Niðurstaðan varð sú að ef að vandi minn í ár væri bara sá að nýta atkvæðisréttinn, fara á kjörstað og merkja x við einhvern listann þá væri nú hægt að láta bara tilviljunina ráða. Ég gæti til dæmis kastað upp tening og lifað happy ever after ;9

Mig hryllir nú samt við tilhugsuninni 

Mér fannst ég vera að ganga á gröf

Miðvikudagur til mæðu heyrði ég móður mína oft segja þegar ég var lítil. Síðasti miðvikudagur var sko allt annað en til mæðu. Ég skellti mér í eðalkaffi á Kaffitár í Þjóðminjasafninu með systur minni. Eftir að hafa setið þar og rætt um lífið og tilveruna áttuðum við okku rá því að það er frír aðgangur í Þjóðminjasafnið á miðvikudögum.

Við drifum okkur upp stigann og þvílíkt safn. Þetta er svo ótrúlega skemmtilega uppsett. Við komum þar að beinagrindum þrem sem lagðar eru til eins og þær voru lagðar hér í den. Í fósturstellingu. Ein þeirra var mjög heilleg. Að ganga þarna um er eins og að ganga á gröf, eða það fannst mér.

Annað sem heillaði mig var herbergi sem heitir íslenskar huldukonur. Við systurnar héldum að þetta væri eitthvað tengt þjóðtrúnni en svo var nú aldeilis ekki. Hér var á ferðinni listasýning kvenna sem allar lærðu í útlöndum en engin þeirra gerði þó listina að aðalstarfi. Ég vil bara hvetja fólk til þess að drífa sig í safnið og njóta þess að sjá þetta. Ég hef ekki beint verið áhugamaður um hið liðna og því ekki sótt í álíka söfn en þetta var heilmikil upplifun. 

Forvitnilegt

Alltaf gaman að pæla í því hvernig hitt og þetta hefur áhrif á okkur. Hvetur okkur áfram og eykur hámarksgetu okkar á hverjum gefnum tíma. Samkvæmt því sem ég hef kynnt mér í gegnum árin þá hefur tónlist áhrif á námsgetu okkar en frekar sú sem aðeins er spiluð en ekki sungin. 

Ég velti þessu því verulega fyrir mér. Hvað er það sem ræður úrslitum? Er það ef til vill það að ef það er gaman að vera til eins og til dæmis þegar við hlustum á það sem okkur líkar vel við þá sé heilinn einfaldlega virkari? Ætli það trufli ekki minnisfestinguna ef að við erum að hlusta á texta á sama tíma og við erum að reyna að innbyrða nýja þekkingu sem er önnur en texti og lag?

Ja nú bíð ég bara spennt eftir frekari upplýsingum eða pælingum þinum lesandi góður ;) 

Tónlist Robbie Williams námshvetjandi

Það mætti bara halda að ég væri í Finnlandi ;-)

Þó að ég sé allt að því alæta á tónlist, bæði tegund og takt þá hef ég aldrei verið mikið fyrir þungarokk. Elsti sonur minn var og er eftir því sem ég best veit hrifinn af þessari tónlist og var Metallica oft spiluð þegar hann bjó heima. Í Metallicu voru textahöfundar algjörir snillingar. Vægast sagt mikið innihald. 

Ég veit því ekki hvað er að koma yfir mig þetta árið en ég kaus Finnana og fannst þeir bara þokkalega flottir. Einkennilegt hvernig mál þróast, menn eru bara svo happy með hvernig þeir stóðu sig að það er bara hið besta mál að leggja á sig löng ferðalög til þess að njóta stundarinnar með þeim. Þegar ég las tjáningu þeirra sem spurðir voru þá jókst hjá mér hjartsláttur gleðinnar og eftirvæntingarinnar bara svona eins og ég væri stödd á tónleikunum bíðandi eftir haleluja skrímslunum.

Ef til vill féll ég bara fyrir Halleluja...... 

Tugir þúsunda fagna Lordi í miðborg Helsinki

Drykkur djöfulsins eða heilsusamlegur vinur?

Espresso, macchiato, latte, cappuccino er svo gott kaffi að það hlýtur að vera vont fyrir heilsuna þína. Kaffidrykkja er siður sem er þúsundir ára gamall. Fyrsta kæran frá 1911 var frá bandaríska ríkinu og fjallaði hún um slæm heilsufarsleg áhrif koffíns. Ríkið kærði kókakóla fyrirtækið vegna þess koffíns sem var í coca cola drykknum. En þetta var bara byrjunin þúsundir mála fylgu í kjölfarið segir James Coughlin sjáfstæður eiturefnafræðingur. Óhollusta kaffis hefur verið tengd við nánast alla sjúkdóma sem maðurinn þekkir!

En nú er öldin önnur bæði samkvæmt rannsókn norskra næringafræðinga sá mbl.is og James Coughlin sjá New Scientist 2005, september, Demon Drink, Vol 187, No2518 og mun ég nú mér til mikillar ánægju telja upp þá heilsubætandi þætti sem gott kaffi ( lagað við góðan þrýsting í ítalskri kaffivél og helst á Kaffitári í Þjóðminjasafninu ;) ekki fleiri en 3 til 5 bollar á dag hefur á heilsuna.

Það kemur sem sagt í veg fyrir kransæðasjúkdóma, gigt, ýmsar bólgur, dregur úr líkum á krabbameini í endaþarmi og lifur, Parkinsonsveiki, kaffið getur tafið Alzheimer, lifrarskaða vegna óhófrar áfengisneyslu ofl.

Hvernig væri nú að skella í sig einum konunglegum kaffibolla og hafa áhyggjur af einvherju öðru en hve skaðlegt það er fyrir þig? Það er að segja ef að þú getur haft áhyggjur af einhverju öðru kaffi er nefnilega milt anti-depressant (geðdeyfðarlyf) :-)

Ég get nú bara ekki hamið mig ég held að ég verði nú að fara og fá mér einn vænan bolla af macchiato !

Kaffisopinn er heilnæmur

Eins gott að vita af þessu

Brúða á vaxmyndasafni Madame Tussaud andar! Spúkí eða eðlilegt. Ætlir þær fari ekki bráðum að ganga um safnið og heilsa manni.

Andandi Britney til sýnis á Madame Tussaud´s í New York

Í anda Piaget

Prófessor Roy ætlar að feta í fótspor margra annarra og rannsaka sitt eigið barn. Piaget var nú hallmælt vegna þess að hann var að gera tilraunir og mæla og meta þroska sinna eigin barna. Framlag hans um þroska barna hefur haft áhrif á þrosksálfræðina.

Spurningin  snýst auðvitað um rétt barnsins. Barn ræður ekki neinu um það hvað að því snýr. Foreldrar eða aðrir ummönnunaraðilar taka ákvarðanirnar. Mér finnst þetta engu að síður afar spennandi og kem til með að fylgjast með þessu. En það hljóta að vaka siðferðisspurningar um þetta. Hver veit nema að þessi framkvæmd eigi eftir að hjálpa okkur til þess að skilja málþroska barna og geti þá ef til vill orðið til hjálpar fyrir þau börn sem ekki þroskast eðlilega. 

Vandinn hins vegar er sá að hér erum við bara að tala um eitt barn. Við vitum ekki heili þess er og almannir hæfileikar, greind ofl. það eru því ýmsir vankantar. 

Máltaka barns skrásett

Do it your self

Hjálpaðu þér sjálfur. Fleiri mættu tala í sama dúr og Mogensen hinn danski. Áfallahjálp á auðvitað að vera til staðar fyrir þann sem verður fyrir áfalli sem viðkomandi ræður ekki við að vinna úr sjáfur. En að selja fólki þá hugmynd að það þurfi áfallahjálp þegar það lendir í þessu eða hinu dregur bara ú rmætti mannsins.

Ég var einmitt að ræða þetta um daginn hvernig það þyrfti að breyta áherslum í grunnskólanámi. Til þess að styrkja þjóðina þá þarf einstaklingurinn að nýta mátt sinn. Því ekki að kenna 10 ára + börnum meira um þau sjálf og þá sérstaklega þá þætti sem auka innri styrk þeirra? 

Danskur læknir gagnrýnir ofnotkun áfallahjálpar

Gleðifregnir

Hamingjubylgja flæddi um mig þegar ég las fréttina. DV braut af sér með ámælisverðum hætti. Ég hef beðið eftir álíka frétt í langan tíma eins og lítið jólabarn bíður eftir jólunum. Fréttaflutningur DV hefur gengið svo fram af mér að það hálfa væri nóg. Sorglegasta staðreyndin er engu að síður sú að þetta var orðinn hluti af menningu okkar. Á meðan að fólk kaupir slík rit þá er það að segja já takk þetta vil ég! Það gladdi mig því líka mikið þegar sú frétt barst út að DV kæmi nú orðið aðeins út á laugardögum. Væntanlega hefur áskrifendum fækkað. Vonandi batnar menningin okkar eitthvað við það. Stundum vildi ég óska að ég gæti kallað svo hátt, en samt líka svo mjúklega og sannfærandi að fólk virkilega myndi hlusta. Við neytendur ráðum í rauninni svo miklu.

En snúum okkur að fréttinni, sjáum þetta fyrir okkur, bréfberinn í Keflavík stundar njósnir fyrir heilbrigðiseftirlit Suðurnesja :-) þetta minnir bara á orð páfans í mogganum i dag ( sjá nánar um það í eldri bloggfærslu).

Ég kemst ekki hjá því að brosa þó að það sé afskaplega sorglegt og gremjulegt fyrir þá sem fyrir því verða að bornar eru upp á þá rangar sagkir. 

DV braut gegn siðareglum

Hjólreiðar varasamar í Svíþjóð?

Ætli það séu margir virkir bílstjórar á tíunda áratugnum í Svíðþjóð? Farið varlega elskurnar mínar ef að þið eruð á faraldsfæti nálægt Fjugesta vestan við Örebro!

Keyrði niður sjö hjólreiðamenn og stakk af

Allt getur nú gerst í grenjandi rigningu!!!

"Páfi hvetur trúbræður sína til að hafna þeim sem falsa orð Guðs" erlendar fréttir moggans 26.5.2006

Ja nú er ég aldeilis hissa. Hvers vegna skyldi páfinn hafa þörf til þess að vara fólk við?  Í fréttinni kemur það fram að fólk leitist við að falsa eða hagræða orðum Guðs í Biblíunni og að fólk hafa þörf fyrir að leita að sögulegum aðstæðum. Var það ekki einmitt á þann hátt sem að samantekt og síðar þýðingar Biblíunnar áttu sér stað? Ef til vill er einhver fróður lesandi hér sem getur frætt mig um eitthvað annað.   

Ef við gefum okkur þær forsendur að til sé einhverskonar Guð, hvar er þá sannfæringin og trúin á hann þegar sjálfur páfinn verður jafnvel óöruggur eða reiður (talar um að fólk sé að falsa orð Guðs) bara út af Da Vinci lyklinum. Da Vinci lykillinn er þar að auki skáldskapur ;-).

Það mætti nú bara halda að það sé eitthvert sannleikskorn í skáldskapnum...hum. Ekki finnst mér nú verra ef að Jesú hefur komið gegnunum sínum áfram. Hæfileikaríkur, sanngjarn og góður maður. 

Veltum aðeins fyrir okkur öllum þeim sem létu sig hafa það að standa úti í hellirigningu að hlusta á páfann predika þetta. Ég segi nú bara hvernig getum við vitað hver falsar orð Guðs og hver ekki?

Ég fór á frumsýningu myndarinnar og fannst hún ágætis afþreying, ekki svo slæmt að drepa tímann með því að horfa á hana en hún skilur ekki mikið eftir. Ég hugsa bara að orð páfans verði til eþss að myndin og boðskapur hennar muni festast mér í minni.

Þannig vinnur líka heilinn. Því oftar sem hamrað er á sömu hlutum því betur festast þeir í minni! Ef hægt er að koma tilfinningum inn hjá þér á sama tíma þá muntu muna það betur. Ég veit ekki alveg hvað páfa gengur til, en hitt veit að nú munu enn fleiri velta þessum ekki svo nýja möguleika fyrir sér. 

Páfi hvetur trúbræður sína að hafna þeim sem „falsa orð Guðs“

Til hamingju Jónas Örn!!!

Mikið hefði ég nú viljað geta horft á Meistarann þegar Inga Þóra og Jónas Örn kepptu um fimm milljónirnar. Ég er ekki með aðgang að stöðinni en hef fylgst með viðtölum og fréttum af þeim í blöðunum.

Jafnvægi og yfirvegun hefur einkennt Jónas Örn og það eru einmitt þættir sem skila árangri þegar einstaklingurinn er undir miklu álagi. Þvílíkur snillingur. Ég hef dáðst að hógværð hans. Ég vona svo sannarlega að hann eigi eftir að koma genunum sínum áfram og að vinningurinn trufli hann ekki of mikið.  Það er svo skrítið en það getur fylgt því talsverð streita að vinna stóra peningaupphæð.  

Jónas Örn Meistarinn á Stöð 2

Nýtt, rétt fyrir kosningar

Reyndar ekkert tengt kosningunum eða þannig. Það virðist ekki vera mikil hiti í fólki, varla farandi út vegna kulda. Ég er nú bara að prufukeyra bloggið hér eftir ýtarlega skoðun á öllum þeim valmöguleikum sem standa til boða. 

Það er gaman að lesa margt af því sem hér er skrifað og er það aðal ástæðan fyrir því að ég valdi þetta blogg. Mér lýst vel á uppsetningu og útlit. Hlakka til að reyta hér inn vonandi eitthvað forvitnilegt, fróðlegt og ef til vill líka eitthvað fyndið.