Síðastliðinn vetur var fyrsti veturinn minn án nagla

Það var erfið ákvörðun að kaupa heilsársdekk frekar en nelgd. Nokkrum sinnum yfir veturinn var ég svolítið óörugg en aldrei lenti ég í neinum vandræðum með þetta. Síðasti vetur var reyndar léttur vetur hér fyrir sunnan svona ef við erum að tala um snjó en það komu nokkrir hálkudagar.

Það eru einmitt dagarnir sem ég vil helst vera á negldum. Mér var samt oft hugsað til rykmengunarinnar sem nagladekkin valda og allra þeirra sem eru með léleg lungu. Þegar upp var staðið þá var ég mjög sátt með ákvörðun okkar hjóna að kaupa ekki nelgd.

Ég vona sannarlega að jákvæð hvatning nægi til þess að menn og konur aka varlega á veturnar á ónegldu dekkjunum sínum og að ekki þurfi að grípa til skattlagningar eða annarra þvingana. 

Götur verða úðaðar með bindiefni í vetur

Athugasemdir

[Ólafur fannberg, 14.10.2006 kl. 23:39]

er að hugsa um að breyta líka yfir á heilsárs..

[Birna M, 14.10.2006 kl. 23:56]

Ég hef ekki verið á nöglum í mörg ár, örugglega meira en áratug fyrir utan smátíma í fyrra því við fengum nýja bílinn á nöglum og ég tók alveg út fyrir það, mér fannst það svo vont. Nú kaupi ég heilsársdekk, keyri þau út og kaupi svo ný. Miklu minna vesen.

[Sigrún Sæmundsdóttir, 15.10.2006 kl. 01:14]

Sæl og blessuð Pálína og gott að heyra frá þér. Já það er þetta með nagladekk. Ég hef ekki keyrt á nagladekkjum í ein 10 ár, hef verið á harðkornadekkjum frá Sólnng á Smiðjuvegi í Kóp. Passa mig alltaf á að vera með dekkjahreinsir í skottinu.

[Pálína Erna Ásgeirsdóttir, 15.10.2006 kl. 11:37]

Ég er nú ekki svo dekkjafróð ;) en ég keypti einmitt heilsársdekkin hjá Sólningu í Kóp. Ég þarf að spá í þetta með dekkjahreinsinn!

[Sigrún Sæmundsdóttir, 15.10.2006 kl. 12:34]

Að hreinsa dekk munar miklu. Tjaran sest svo á dekkin og þau missa grip.