Meira að segja hundar og kettir reka upp stór augu!

Margir með harðsperrur eftir hlaup gærdagsins? 

Fyrsta umræða dagsins var um harðsperrur eftir hlaup gærdagsins :) Gærdagurinn var engu að síður hinn ánægjulegasti. Við horfðum á flugeldasýninguna fráLaugarnesvegi/kleppsvegi/Sæbraut ;)

Þar var aragrúi af bílum og umferðin ótrúlega mikil strax í lok sýningar. Það bætti ekki úr skák að umferðarljósin á Sæbrautinni voru alls staðar blikkandi gul alla leiðina inn að Holtagörðum. Stöðurgur straumur bila var um Sæbrautina og því ómögulegt fyrir bíla úr hliðargötum að komast áfram.

Við tókum á það ráð ásamt nokkrum fleirum að aka fyrir neðan (Klettagarðaleiðina) alla leiðina að Skeiðarvogi. Þetta var bara eins og að spila í tölvuleik. 

Hlaupaorkan svífur hér yfir enn og gat ég ekki annað en brosað að lesa það að nú ætti að hlaupa aftur á bak upp fjall í einhverskonar keppni. Ég get rétt ímyndað mér að það sé skondið að horfa á fullorðið fólk hlaupa aftur á bak upp brekkur í æfingaskyni. Meira að segja hundar og kettir reka upp stór augu hahahaha, dýrirn eru auðvitað ekki vön þessu.

Nú ef við snúum okkur að alvöru málsins þá er þetta uaðvitað hin besta æfing fyrir fæturnar! Þrátt fyrir það þá er það ekki komið á væntanlegan afrekalista hjá mér að hlaupa aftur á bak upp fjall. en snúist mér hugur þá er mér alveg sama þó að fólki finnist ég skrítin hlaupandi aftur á bak alltaf þegar færi gefst til að æfa mig! 

Hlaupa aftur á bak upp fjall