Ég vorkenndi Magna ekkert smá.....

Í dag eru allar pásur notaðar til þess að hita upp fyrir nóttina :) Ég fór inn á síðu Rock Star Supernova og í þetta sinn notaði ég Explorer vafrann því að Firefoxinn er ekki að virka í þessu hjá mér. en ég horfði á raunveruleikaþátt síðustu viku.

Dilana, Toby og Magni voru valin sem leiðtogar í smágrúppum. Þau urðu fyrir valinu vegna þess að þau áttu það sameiginlegt að hafa fengið að endurflytja lag sitt. Síðan þurftu þau að velja með sér í lið einn í einu þá sem eftir voru.

Dilana byrjaði síðan Toby og síðast Magni. Þegar kom að Magna þá var búið að velja Lukas og Phil. Ég var alveg hlessa að Magni skildi velja Josh en ekki Storm! Magni var alltaf síðastur í röðinni og það fór svo að hann var með með sér Josh, Jill og Dönu ( valinn í þessari röð)

Supernova afhenti þeim lag sem hóparnir áttu síðan að semja ljóð við. Þetta var ekki átakalaust og vorkenndi ég Magna ekkert smá, sérstaklega að takast á við Jill. Hún er erfið í samstarfi. Josh er nú svolítill sáttasemjari í sér og reddaði málunum.

Það var samt gaman að sjá Magna tjá sig og gera það sem hann gat til þess að halda utan um þetta og útkoman hjá þeim var rosa fín. Ég er ekki viss um að það hafi verið nákvæmlega það sem Supernova var að leita eftir en þeir sögðu samt að þau væru öll sigurvegarar.

Það var frábært að horfa á þetta og sjá hvernig keppendurnir tækluðu samstarfið og komust á endanum að einni niðurstöðu. þau þurftu hver hópur fyrir sig að flytja lagið saman. Ef þú hefur áhuga og ert í pásu :) þá hvet ég þig til að kíkja hingað og tékka á þessu. 

Athugasemdir

[Birna M, 25.7.2006 kl. 20:13]

Hæ, já ég kíkti aðeins á þetta, á eftir að skoða betur. Ekki laust við að ég fengi smá kast, en fannst hann klára sig afskaplega vel út úr þessu. Þeir virðast hrifnir af honum, en þarna sjá þeir hver er samvinnuhæfastur og ekki fannst mér Lucas koma vel út í þessu, dálítið samstarfsbæklaður á köflum ;)

[Pálína Erna Ásgeirsdóttir, 25.7.2006 kl. 20:38]

Birna ég hef ekki frekari áhyggjur af Lukas sem keppinaut Magna.Hann klúðraði öllu fyrr sjálfum sér með samstarfsbækluninni ;)

Jill kom líka illa út að mínu mati en það var svo glæsilegt hvernig teaminu tókst að samstilla sig í lokin þó þau væru ekki alveg á nótunum sem gaurarnir eru að sækjast eftir.