Gat ég sleppt þessu?

Ég stóðst ekki freistinguna. Það er alltaf svo gott að brosa svo ég tali nú ekki um hve gaman er af því ;) Ég fékk þennan skondna lista héðan

Vonandi dregur hann bros fram á andlit þitt eins og mitt.

• Betra er að ganga fram af fólki en björgum.
• Betra er að ráða menn með réttu ráði en ráðamenn.
• Léttara er að sóla sig en skó.
• Betri er einn fugl í sósu en tveir í frysti.
• Ekki er aðfangadagur án jóla
• Blankur er snauður maður.
• Lengi lifa gamlar hræður.
• Betra er langlífi en harðlífi.
• Sá hlær oft sem víða hlær.
• Margur sefur yfir sig sem vaknar ekki á réttum tíma.
• Rangt er alltaf rangt, það er rétt.
• Margur hefur farið flatt á hálum ís
• Sjaldan er góður matur of oft tugginn.
• Heima er best í hófi.
• Betri eru læti en ranglæti
• Betri er uppgangur en niðurgangur.
• Oft er virtur maður ekki virtur viðlits.
• Enginn veit sína kæfuna fyrr en öll er
• Betra er að standa á eigin fótum en annarra.
• Þegar neyðin er stærst er hjálpin fjærst.
• Oft er grafinn maður dáinn.
• Oft veldur lítill stóll þungum rassi.
• Oft er bankalán ólán í láni.
• Oft eru læknar með lífið í lúkunum.
• Frestaðu því ekki til morguns sem þú getur frestað lengur.
• Enginn verður óbarinn boxari.
• Oft er dvergurinn í lægð.
• Einsdæmi er að dæmigerðar dæmisögur séu dæmdar dæmalausar.
• Sjaldan fellur gengið langt frá krónunni.
• Illu er best ólokið.
• Fátt smátt gerir lítið eitt eða ekki neitt.
• Ekki dugar að drepast.
• Eitt sinn skal hver fæðast.
• Sjaldan fellur róninn langt frá flöskunni.
• Blindur er sjónlaus maður.
• Bændur eru bændum verstir og neytendum líka.
• Eftir höfðinu dansar limurinn.
• Flasa er skalla næst.
• Margur slökkviliðsmaðurinn er eldklár.
• Margur geispar golunni í blankalogni.
• Sjaldan fara sköllóttir í hár saman.
• Oft eru bílstjórar útkeyrðir.
• Betra er að vera sí-virðulegur en svívirðilegur.
• Margur fer yfir Strikið - í Kaupmannahöfn
• Oft fýkur í menn sem gera veður útaf öllu.
• Flestar gleðikonur hafa í sig og á.
• Fiskisagan flýgur en fiskimaðurinn lýgur.
• Oft láta bensínafgreiðslumenn dæluna ganga.
• Betra er að hlaupa í spik en kekki.
• Nakinn er klæðalaus maður.
• Margur miljónamæringurinn á ekki baun í bala - bara peninga.
• Sjaldan eiga fiskar fótum fjör að launa.
• Minkar eru bestu skinn.
• Margur nautabaninn sleppur fyrir horn.
• Betra er að drepa tímann en sjálfan sig.
• Betra er að ná áfanga en að ná fanga.
• Margur leggur "mat" á disk.
• Hungraður maður gerir sér mat úr öllu.
• Betra er að vera eltur en úreltur.
• Oft kemst magur maður í feitt.
• Oft eru lík fremur líkleg.
• Betra er áfengi en áfangi.
• Ei var hátíð fátíð í þátíð.
• Margur boxarinn á undir högg að sækja.
• Betri eru kynórar en tenórar.
• Betra er að sofa hjá en sitja hjá.
• Oft verða slökkviliðsmenn logandi hræddir.
• Til þess eru vítin að skora úr þeim.
• Oft fer bakarinn í köku, ef honum er gefið á snúðinn.
• Auðveldara er að fá leigt í miðbænum en guðanna bænum.
• Oft fara hommar á bak við menn.
• Oft eru dáin hjón lík.
• Hagstæðara er að borga með glöðu geði en peningum.
• Betra er að fara á kostum en taugum.
• Greidd skuld, glatað fé.
• Margri nunnu er "ábótavant".
• Margur bílstjórinn ofkeyrir sig.
• Oft hrekkur bruggarinn í kút.
• Margur bridsspilarinn lætur slag standa.
• Oft er lag engu lagi líkt.
• Oft svarar bakarinn snúðugt.
• Betri er utanför en útför.
• Margur fær sig fullsaddan af hungri.
• Það er gömul lumma að heitar lummur seljist eins og heitar lummur.
• Oft eru bílstjórar vel á veg komnir.
• Oft fara bændur út um þúfur.
• Víða er þvottur brotinn.
• Oft fer presturinn út í aðra sálma.
• Betra er að teyga sopann en teygja lopann
• Margur bóndinn dregur dilk á eftir sér.

 Það ætti nú einhver snillingurinn að safna svona skemmtilegheitum í bók og gefa út!

Athugasemdir

[Sigrún Sæmundsdóttir, 22.9.2006 kl. 12:21]

Ha ha þetta er þræl skemmtilegt. Ég sá einhverstaðar en hvar, man ég ekki, og það voru mismæli íþróttafréttamanna.

[Sigrún Sæmundsdóttir, 22.9.2006 kl. 12:32]

Jæja krakkar, þá er það staðfest og komið á blað

Dansleikur með Á móti Sól með Magna ásamt Dilönu

MAGNAður dansleikur með the Rockstar stjörnunum Magna og Dilönu verður á Broadway þann 30. september 2006.

Fjölskylduskemmtun fyrr um daginn kl. 15.

Miðasalan hefst á mánudaginn kl. 13:00. Aldurstakmark á ballið um kvöldið er 18 ára.

Miðaverð er 2.500 kr.

[Pálína Erna Ásgeirsdóttir, 22.9.2006 kl. 13:20]

Takk fyrir upplýsingarnar, nú þarf ég bara að gera upp við mig hvort ég skelli mér á fjölskylduskemmtun eða ball!

Miðasalan hefst á mánudaginn ég henti inn nýrri bloggfærslu með upplýsingum af heimasíðu Broadways ;)

[Pálína Erna Ásgeirsdóttir, 22.9.2006 kl. 13:22]

hum hehe ein aðeins of fljót á sér (ein í framan eins og kvöldsólin, hóst, hóst) Ég flýtti mér svo mikið að lesa þetta að ég sá ekki hvenær miðalsalan hefst. Það fer ekkert á milli mála hún hefst á mánudaginn ef þið vorðu ekki búin að taka eftir því hahahaha

[Birna M, 22.9.2006 kl. 20:15]

Þessi er æðisleg. Takk fyrir.

[Pálína Erna Ásgeirsdóttir, 22.9.2006 kl. 21:06]

Birna á ekki að skella sér á Broadway? Mig langar mikið til að hitta þig ;)

[Pálína Erna Ásgeirsdóttir, 23.9.2006 kl. 09:21]

hahaha