Kaldhæðnislegt

Þetta er bráðfyndið á sama tíma og það er sorglegt. Maria verður að segja af sér þar sem upp um hana komst varðandi skattsvik. ástæðan sem hún gaf var sú að hún hafi verið tilneydd til þess að gera þetta vegna fjárhagserfiðleika en þegar sænskur bloggari aflaði sér upplýsinga um tekjur þeirra hjóna þá kom annað í ljós.

Nú er líklegt að hún fá ríflegan starfslokasamning eftir aðeins 8 daga setu sem ráðherra (Nota Bene VIÐSKIPATARÁÐHERRA). Þegar upp var staðið þá lítur nú út fyrir að skattsvikin muni nú skila henni þokkalegri upphæð.

Hvernig er það er ekki eitthvað að í kerfinu? Hér sit ég og hristi bara höfuðið í gríð og erg. 

Maria Borelius gæti fengið milljónir króna vegna starfslokanna

Athugasemdir

[Sigrún Sæmundsdóttir, 15.10.2006 kl. 12:38]

Hugsaðu þér, ef hún fær þessi biðlaun þá hefur hún haft 12 HUNDRUÐ ÞÚSUND Á DAG í laun.

[Hlynur Hallsson, 15.10.2006 kl. 14:38]

Ég trúi ekki að hún komist upp með að taka þessa milljón. Hún hlýtur að afsala sér þessu enda ekki á flæðiskeri stödd!)

Ef hún tekur miljónina þá hljóta svíar að breyta þessum lögum/reglum, enda algert rugl.

[Birna M, 16.10.2006 kl. 21:33]

Fáránlegt. Eins og það margborgi sig að hafa óhreint mjöl í pokahorninu. Hvernig er það erum við þá nokkuð á réttri hillu?;)