Ef til vill fundin lækning við krabbameini?

 Mikið væru það nú góðar fréttir ef að fundin er lækning við krabbameini. Þetta er ekki í fyrsta sinn sem að sykrur eru heillandi leið til lækninga á þessu meini. Það verður forvitnilegt að fylgjast með í náinni framtíð og sannarlega vona ég að rétta leiðin sé fundin. 

Hér er linkur á greinina og greinin sjálf án commenta. 

MECC writes "Researchers at Johns Hopkins University may have found a way to kill cancer cells without radiation or toxic chemicals. The group is taking the step of patenting the idea, as this new approach using sugars may hold real potential for the fight against cancer. This is not the first approach to use sugars, the article states, but is (by the researchers' estimation) the most successful. From the article: 'Sampathkumar and his colleagues built upon 20-year-old findings that a short-chain fatty acid called butyrate can slow the spread of cancer cells. In the 1980s, researchers discovered that butyrate, which is formed naturally at high levels in the digestive system by symbiotic bacteria that feed on fibre, can restore healthy cell functioning ... The researchers focused on a sugar called N-acetyl-D-mannosamine, or ManNAc, for short, and created a hybrid molecule by linking ManNAc with butyrate. The hybrid easily penetrates a cell's surface, then is split apart by enzymes inside the cell. Once inside the cell, ManNAc is processed into another sugar known as sialic acid that plays key roles in cancer biology, while butyrate orchestrates the expression of genes responsible for halting the uncontrolled growth of cancer cells.'"

Þroskaferli barna og unglinga

Hef verið að kíkja í eina af bókunum sem eru á leslista vorannarinnar en hún er einmitt um þorskaferli barna og unglinga. Þar sem ég er frekar rík af börnum og hef alltaf haft mikinn áhuga á þroska einstaklingsins þá fór ég að leita að frekari upplýsingum en bókin góða gaf mér.

Hér 

er ágætis síða með samantekt af upplýsingum fyrir ólík aldurskeið en kenningar Piaget eru talsvert til umfjöllunar í kennslubókinni sem ég ætla nú að fra að dífa mér í.  

Það þarf nú að ganga ansi skæð flensa til að bæði forseti og varaforseti forfallist

En það er það sem þarf til þess að fyrsta konan sem kosin er forseti fulltrúadeildar Bandaríkjaþings fái að sinna störfum forseta. Engu að síður þá er þetta enn eitt vígið sem fellur. Fyrir stuttu síðan las ég einmitt frétt af fyrstu konunni sem ráðinn er til starfa sem "Beefeater" við Tower of London. 

Er ekki bara við hæfi að hrópa áfram konur? 

Kona í fyrsta skipti kjörin forseti Bandaríkjaþings

Einelti endar því miður ekki á einhverjum ákveðnum aldri

Það er sorglegt til þess að hugsa að aldraðir skuli leggja aðra aldraða í einelti. En þó að árin hlaðist á okkur þá er ekki endilega samfara því vaxandi mannkærleikur, umburðarlyndi eða samúðarskilningur. Ég skil svo sem vel að fólk verði hissa þegar það fær fréttir af einelti á stofnunum aldraðra, hvað þá þegar það heyrir af kynferðisáreitni eða árasarhneigð aldraðra við starfsfólk. Mörg okkar setja = merkið á milli aldraður og skilningsríkur eða þroskaður.

Mér var einmitt innrætt þetta þegar ég var að vaxa úr grasi. Málið er að þroski er ekki sjálfsagður hlutur og margir aldraðir eru haldnir þunglyndi, vonleysi og jafnvel bitrir eftir harða lífsbaráttu. Ég hef undanfarna mánuði verið að kynna mér ýmislegt sem snýr að andlegri heilsu aldraðra og hefur  það vakið mig verulega til umhugsunar um eitt og annað sem við getum gert til þess að viðhalda því sem við höfum og jafnvel bæta það. Meira um það síðar, þarf að rjúka núna.....

Einelti þekkt vandamál á meðal aldraðra í Danmörku

Þekkir þú bókina?

Ég var að venju að líta yfir blöðin í morgun og rakst þá á smágrein um bókina "Leitað að tilgangi lífsins" Umfjöllunin vakti verulega áhuga minn enda hafði ég ekki heyrt né lesið neitt um þann ágæta mann sem skrifaði hana. 

Nú kemur fram að bókin hafi verið uppseld hjá útgefanda en hún var þýdd 1997. Mér laikur forvitni á að heyra um þessa bók ef einhver sem les þessar línur þekkir hana.

Ég mun að sjálfsögðu skella mér í Norrænahúsið á morgun á kynninguna :)

 

"Leitað að tilgangi lífsins

Bókin Leitin að tilgangi lífsins, sem verið hefur uppseld hjá útgefanda um nokkurt skeið, hefur nú verið endurútgefin.

Bókin Leitin að tilgangi lífsins, sem verið hefur uppseld hjá útgefanda um nokkurt skeið, hefur nú verið endurútgefin. Í tilefni þessa verður efnt til stuttrar dagskrár um bókina á morgun kl. 15.30 í Norræna húsinu í Vatnsmýrinni.

Þar mun Róbert H. Haraldsson, dósent í heimspeki við Háskóla Íslands, halda stutt erindi um bókina sem hann nefnir "Leitin að tilgangi lífsins andspænis hinu illa". Að fyrirlestri loknum verður afhentur styrkur í minningu höfundarins Viktors E. Frankl en í útgáfusamningi óskaði höfundur eftir því að höfundarlaun hans fyrir bókina rynnu til málefnis sem snertir börn. Léttar veitingar verða í boði að dagskrá lokinni og einnig verður hægt að kaupa bókina á sérstöku kynningarverði.

Leitin að tilgangi lífsins kom út á vegum Siðfræðistofnunar og Háskólaútgáfunnar í þýðingu Hólmfríðar Gunnarsdóttur árið 1997.

Höfundur bókarinnar, Viktor E. Frankl, var austurrískur geðlæknir og upphafsmaður kenningar í sálarfræði sem nefnd er lógóþerapía eða tilgangsmeðferð. Þar er lögð áhersla á að í lífi sérhvers manns sé einstakur tilgangur sem hver og einn verði að finna fyrir sjálfan sig.

Frankl sat í fangabúðum nasista og notaði reynslu sína úr fangabúðunum sem undirstöður kenninga sinna. Frásögnin úr fangabúðunum hefur fyrst og fremst þann tilgang að sýna fram á gildi kenningarinnar en ekki að rekja hörmungar fangabúðarlífsins."

Tekið héðan (Fréttablaðið 4, jan) 

Bara hreint frábært

Það var sannarlega gaman að lesa þessa frétt og kynna sér vefinn!

Rúanda bætist í hóp landa sem fá 100 dollara fartölvur

Þegar hinn eini sanni brotnaði ..........

Í dag fylltist ég af hugmyndum um meira pláss. Ég var nákvæmlega stödd í eldhúsinu þegar augun námu staðar við forláta könnu sem ég hef bara ekkert að gera með...hum???? Því næst staðnæmdist ég við einhverjar forláta desertskálar sem reyndar eru voða sætar en ég nota þær bara aldrei.

Ég fór að gæla við það hve mikið pláss myndi skapast við það að taka allt úr hillunum og skápunum sem ég nota ekki og vááááá. það runnu á mig tvær grímur. Ég sem hélt að ég lifði svo flóknu lífi, konan með flókna smekkinn en NEI aldeilis ekki ég er með þann einfaldasta smekk sem fyrir finnst. Það var nú kominn tími á að átta sig á því að þegar ég finn eitthvað sem mér líkar við þá þarf ég ekki fleiri eintök af samskonar stöffi..... ég á til dæmis bara einn fínan mann

Það lá reyndar við miklum harmi hér í haust þegar eini sanni kaffibollinn minn brotnaði. Það var þessi guli með broskallinum og öllum litlu rauðu hjörtunum. Æ æ hann var svo sætur og það var svo himneskt að drekka úr honum eðalkaffið mitt.

En ég lifði þetta nú af. Fyrst var nú farið á stjá til þess að athuga hvort ekki mætti kaupa annan í staðinn en nei þeir voru ekki lengur til. Ég komst nú ótrúlega fljótt upp á lag með að drekka kaffið mitt úr örðrum bolla sem er nú hinn eini sanni kaffi-utanumhaldari. 

Nú stefni ég á einfaldara líf sem hæfir einföldum smekk mínum, veljandi bara það besta (stolið úr gamalli auglýsingu frá Sævari Karli) og nýt þess vonandi að slá um mig í öllu plássinu sem mun myndast.

Þegar maður missir minnið þá missir maður ekki bara minnið....

Samkvæmt nýrri rannsókn þá missum við líka hæfileikann til þess að dreyma dagdrauma. Væntanlega hefur það áhrif á hæfni okkar til að setja okkur markmið eða réttra sagt að ná markmiðum okkar. Ýmis konar tækni sem ég hef lært til að auðvelda sér það inniheldur meðal annars það að sjá sig vera búinn að ná markmiðunum. Samkvæmt rannsókninni sem fjallað er um í fréttinni þá virðist sá möguleiku vera úti ef að minnið fer því að sömu heilasvæði séu notuð við báðar framkvæmdirnar. 

Hér er nú væntanæega bara hálf sagan sögð því að vísindamenn eru búnir að komast að því að minnið virðist tengjast mörgum svæðum í heilanum. Spurningin er því hvaða minnissvæði er einnig tengt dagdraumahæfninni? 

Framtíðarhugsanir byggðar á minningum

Nýtt ár ! jeijjjjjjjjj

Alltaf gaman að byrja nýja árið með stæl. Ég hlakka alltaf jafnmikið til þess að hefja gö0nguna á nýju ári. Það er eitthvað við áramótin sem fyllir mig af lífskrafti , eftivæntingu og gleði. Í gærkvöldi áttum við fjölskyldan ( yngsta barnið og barnabarn mitt) frábæra stund með tangdafólki mínu. Þar var safnast saman og borðaður dýrindis kalkúnn að há-ameríksum sið hehe. 

Kvöldið var skemmtilegt á allan hátt og skemmtu strákarnir sér vel ýmist með hundinum eða úti að leika sér að eldinum. Eftir að áramótaskaupinu lauk f´´orum við öll út eins og íslendingum sæmir og tókum þátt í að fylla himininn af ljósadýrð með tilheyrandi litum, hvellum, ílum og mengun.

Þvílík mengun. Í fyrsta lagi þá man ég ekki eftir svona logni og heiðskýrum himni á Gamlárskvöld og þegar við keyrðum heim um nóttina þá var þoka að því ég hélt svona fyrst um sinn en áttaði mig síðan á því að þetta var ekki þoka heldur mengun!

En áramótin voru frábær dýrin í lagi og allt eins og best var á kosið. Nú er ég til í tuskið og langar að byrja á fullu að læra og vinna og leika mér inn á millli. Það er svo fyndið með mig að í upphafi árs þá finnst mér alltaf eins og sólarhringurinn sé lengri en 24 klukkustundir og núna verði sannarlega tími til að gera allt sem mig langar til sem ég komst engan veginn yfir á árinu sem var að líða.

Ég virðist ekki ætla að þroskast yfir þetta stig kemst væntanlega að því innan skamms að ekkert hefur breyst og tíminn í sólahringnum er nákvæmlega jafnmikill og hann hefur verið síðustu áratungina. En só what! Það er sætt að lifa í blekkingunni sve lengi sem ég get

Ég óska vinum og vandamönnum þess sem þeir óska sér sjálfir fyrir árið sem gengið er í gang og hlakka til þess að samgleðjast með þeim í þaim áföngum sem þeim auðnast að ná á komandi vikum og mánuðum.

Takk fyrir öll kommentin ykkar það er alltaf gaman að lesa þau ;) 

Ekki fór það nú svo vel að ég slyppi

Ég var svo ofurbjartsýn rétt fyrir jólin að í ár myndi ég sleppa alveg við að verða veik um jólin. Það hefur verið fastur liður hjá mér eða þannig undanfarin einhver ár hehe. En ég slapp ekki aldeilis. Hafðbundin hálsbólga kveðf, hósti og eyrnaverkur með hita og tilheyrandi sem reyndar byrjaði 19. des og hélt ég myndi bara klára mig frá fyrir jólin.

Ég er nú samt búin að hafa það rosalega gott með fjölskyldunni bæði hér heima og hjá tengdafólki mínu. Nú er ég loksins að verða alveg hress mig vantar svona einn til tvo daga :) Það lítur því út fyrir að áramótin verði með hraustlegra móti í ár og ég full af orku til að kveðja gamla árið og heilsa því nýja.

Þetta minnir mig á gamlar pælingar um áramót og áramótaheit sem ég hef stundum kastað fram af miklum krafti. Það var nú þannig hér á árum áður að ég og mitt fólk kvöddum árið með pomp og prakt og svo voru menn og konur þreytt á fyrsta degi nýja ársins. Dag einn fyrir nokkrum árum síðan ákvað ég að breyta þessu og leggja meiri áherslu á að fagna nýju ári heldur en að losa mig við það gamla hehe.

Nýjársdagur er því ákaflega eftirsóknarverður dagur, dagurinn þegar línurnar eru lagðar fyrir næstu 364 dagana ;) Þetta er nú annars bara til gamans gert og svona rétt til að minna okkur á  hversu vanabundin við erum....same old............ same old.....

Pabbi og bróðir hans lifðu Spænsku veikina af

Þegar ég las fréttina um hina skæðu Spænsku veiki þá rifjaðist upp fyrir mér það sem mamma hafði sagt mér. Pabbi var fæddur 1918 og Dóri bróðir hans var yngri. Þeir fengu báðir spænsku veikina og var vart hugað líf, pabbi þá árs gamall og Dóri bara kornabarn. Þetta er fermingarmynd af pabba og er hann klæddur í fyrstu fötin sem hann vann sjálfur fyrir :)

Hugur minn leitar til þess hve dýrmætt hvert mannslíf er. Það að pabbi lifði af varð síðar til þess að ég og fjögur systkini mín urðum til og síðan öll börnin okkar 14 o. s.frv. Í hverjum einstakling býr neisti, einstök hugsun og óendanlegir möguleikar.

Það er því mikilvægt að minna hvern og einn á hve miklu máli hver einstaklingur skiptir og að engir tveir hugsa alveg eins! áþessum tímamótum leitar hugur minn til fortíðarinnar með þakklæti til allra þeirra sem lögðu hönd á plóginn svo að mitt líf gæti orðið til. ég fyllist þakklæti til allra þeirra sem að gætt hafa líf mitt ljósi, hlýju í hjarta og fengið fram bros eða hlátrasköll frá mér.

ég þakk alíka fyrir alla þá sem snert hafa við annars konar tilfinningum hjá mér. Tilfinningum sem hafa sagt mér eitt og annað um sjálfa mig og orðið hjálp á leið minni til aukins þroska. Lífið er sannarlegar einstakt og manneskjurnar sem snerta líf hvers einstakastar :)

Gleðileg Jól vinir og vandamenn

Annar inflúensufaraldur á borð við spænsku veikina gæti dregið 81 milljón manna til dauða

Kannski ég verði bara ekki veik þessi jólin ;)

Þannig hefur það hins vegar verið undanfarin einhver ár að á um það bil jóladag hef ég fyllst af einhverjum kverkaskít. ég var farin að halda að ég hefði bara ofnæmi fyrir jólatrénu eða .... en þegar ég vaknaði í gærmorgun fann ég að eitthvað var í uppsiglinug í hálsinum á mér og jabb jólapestin komin og í fyrra fallinu. 

Ég er nú ekkert rosalega fúl ...bara smá. Það hefði verið hræðilegt að vera hundveik á aðfangadag ( þar sem ég tel mig þokkalega ómissandi í eldamennskunni ;)) eða í síðasta prófinu, þurfa að ýta þ´vi á undan sér alveg fram í ágúst. Nei ég skreið bara undir sæng eftir eitt koníaksglas og vaknaði mun hressari í morgun :)

Þetta minnti mig hins vegar á undanfarin ár og setninguna sem tengdamamma sagði við mig hér fyrir um það bil viku síðan þegar við vorum að ræða um það að við hjónin myndum borða með þeim á jóladag og mæta í allsherjar jólaboðið á annan í jólum. " Verður þú þá ekki veik þessi jól" Ég svaraði sperrt og góð með mig að nú ætlaði ég ekki að slaka neitt á, sleppa því að hvíla mig og þá yrði ég sjálfsagt ekkert veik...hum?

Mig grunar nefnilega að veikindi mín undan farin ár hafi verið vegna allt of mikillar vinnun í desember og þrátt fyrir að nú sé ég ekki að vinna þá er jú heilmikil vinna að vera í háskólanámi. En allt kom fyrir ekki. Hugsunin sem ég gæli við þessa stundina er sú að ég verði bara búin með pestina þegar jólin koma

Það er ekki skynsamlegt eða lýsir mikilli umhyggju fyrir náunganum að mæta veikur í jólaboð lalalalalaaaaaa

Þannig að kæru vinir og aðrir vegfarendur, snarið nú fram úr ermum ykkar töfradrykkjum og annarri hollustu sem drepur sem fyrst slíkar umgangspestir sem andþrengsli, hálsbólga, eyrnaverkur, hósti og kvef er.

En út með vælið og inn með jólagleðina. Nú stefni ég niður á næstu hæð, leyfi jólalögunum að peppa mig upp og held áfram að koma jólunum í húsið...... þetta er nú allt á réttri leið, kalkúnninn var keyptur í rokinu í gær og bíður þess að verða stöffaður og stungið í ofninn :) 

Man einhver eftir svona veðri í desember?

Þá er ég komin í gang, búin að kúpla yfir í heimilisgírinn og farin að lesa fréttirnar ;) Það er vægast sagt einkennilegt að taka aftur þátt í hinu gamla hefðbundna lífi sem ég lifði í morg ár, vægast sagt skrítið! Ég var að renna yfir fréttir síðustu daga og ég man nú ekki hve margar þær vour sem fjölluðu um veðrið :)

Ég varð eitt stórt spurningarmerki hum hefur eitthvað verið að veðrinu????? Ekkert smá sem ég hef verið niðursokkin síðustu vikurnar enda fór ég stundum ekkert út í eina 5 daga  eða svo. Ég hef líka hugsað um það hvað ég er rik að eiga fjölskylduna mína og tengdaforeldrana. Allt þetta fólk á sinn þátt í því hvað ég gat lesið mikið, einangrað mig frá umheiminum :) umborðið mig og skapað mér tækifæri til þess að geta  fyllt heilabörkinn af þeim upplýsingum sem ég síðan þurfti að koma frá mér á prófblaði. Þakklæti og þakklæti er mér efst í huga.

En ég var svo hissa þegar ég las fréttirnar af öllu þessu vatnsveðri, jújú það hefur líka verið hvasssst í garðinum heima hjá mér og ég hef þurft að nota vinnukonurnar þegar ég er að keyra bílinn en að ööðru leyti þá fór veðrið bara fram hjá mér :)

Ég man þó ekki eftir veðri eins og því sem ég les um í fréttunum hvorki hér í Reykjavík í september né á Vopnafirði þegar ég bjó þar. Á Vopnafirði kom það þó fyrir að hitinn færi í 15 stig í janúar en ég man ekki eftir svona vatnsveðri á þessum árstíma síðan ég fæddist????

Nú ætla ég að halda áfram að koma jólunum í húsið mitt en hingað inn ætla ég að kíkja í pásunum mínum og lesa blogg vina minna hér sem mér þykir nú bara orðið vænt um :) 

Vegfarendur varaðir við vatnavöxtum víða um land

Jeyjjj prófin búin og jólin að koma

Það er líklegast kominn tími á mig að skrifa nokkrar línur. ég var sem sagt í síðasta prófinu í morgun og nú er bara að undirbúa jólin. Ég ætti nú að fara létt með það alla vegna ef ég eyði jafnmörgum klukkutímum á sólarhring í þann undirbúning eins og í undirbúninginn fyrir prófin.

Í dag er nú enginn æsingur í mér en það er eins gott að enginn sé að þvælast fyrir mér í fyrramálið hohohohó. Nú et ég líka lesið fréttirnar og bloggin og og og ....

Já það er ekkert smá svigrúm sem skapast þegar síðasta prófið er afstaðið.  Bara endalaus tími. Það er eins gott að ég er búin að slíta barnsskónum því annars myndi óþolinmæðin eftir jólunum alveg ná tökum á mér. En ég hef nú þroskast ögn og gæti alveg frestað þeim svona um 5 daga eða svo :)

Strákarnir eru greinilega orðnir spenntir eða óþreyjufullir eða hvað var þetta annars kallað? Tja ég held að þeir hlakki bara aðeins of mikið til jólanna. Þegar ég hugsa um jólin þá kemur friður, gleði og kærleikur upp í huga mér. Ég held að þeim þáttum sé samt mjög misskipt á meðal manna eins og svo margt annað. En sannarlega óksa ég öllum þess að upplifa eitthvað af þeim þáttum. 

Rafael í Húsbandinu algjört nammi og öll spenna horfin

Þvílíkt konfekt. Tónleikarnir, tíminn og peningarnir voru þess virði jafnvel þegar aðeins er talað um Rafael (ég held að hann spili á bassa) Hann er einn af þessum einstöku tónlistarmönnum sem hverfa inn í tóninn sem þeir eru að framkalla. 

Ég fékk gæsahúð og fyrir mig þá stal hann algjörlega senunni!!!!! Það skemmdi nú ekki fyrir mér að hann kom að grindinni þar sem ég var í næstfremstu röð og tókk þéttingsfast í hönd mína og brosti eins og lítill strákur. Ef til vill hafði hann lúmskt gaman af þvi að sjá svona ellismell eins og mig era að njóta min á rókktonleikum hehe   hóst hóst *********

Toby kom líka og heilsaði mér en hann hafði ekki þessa einlægni sem geislanði af Rafael. Ég lærði eitt og annað um mannlegt eðli og alls konar pælingar í gangi hjá mér ;) Toby og Rafael voru mínir menn allt kvöldið. Magna var sjálfum sér líkur og hlaut mikið lof bæði frá Húsbandinu en þeir sögðu að hann hefði alltaf verið í uppáhaldi hjá þeim ( rosa gott að vinna með honum) og ég sannarlega trúi því. Strákurinn okkar er vel liðinn af þeim öllum!

Ég vissi ekki fyrr en í morgun að WStorm hafði verið hálflasin með hita ofl. en hún var sjálfri sér lík og glæsileikinn skein af henni jafnvel þegar hún pönkaðist upp í flotta dressinu sínu með þá fríkuðustu hárgreiðslu sem ég hef augum litið.

Josh er góður söngvari en betri á plötu en á sviði. ég var orðin hálf leið á honum. Það er einhvernveginn öðruvísi að lifa sig inn í meðal eða villta tónlist í stæði heldur en að hlusta á róleg lög. Það var líka gaman að upplifa muninn á sjónvarpsþáttunum "rock star supernova" og tónleikunum og finna það sjálfur hver er betri í myndavelinni og hver á sviðinu.

Toby á vinninginn hjá mér hann syngur ágætleg en umfram allt er maður fólksins og er laginn við að tengjastþví á milli laga (nema að handarbandið og brosið hafði brætt mig alveg) we will never know. Hum hum mér fannst nefnilega þeir tveir belstir sem komu og tóku þéttingsfast og taktu eftir því Þéttingsfast í hendina mína. 

Ég varð ung aftur og áttaði mig á því að ég hafði mest pláss þegar ég hoppaði með öllum strákunum sem voru allt í kringum mig. Þegar við hoppuðum öll í takt þá var gott loftstreymi og einhvern veginn nóg pláss  hahahahaha þannig að ég hoppaði bara eins og hinir og var svo farin að kvíða harðsperrum morgundagsins strax á leiðinni heim í bílnum.

Í dag er ég spræk og hress. Himinsæl yfir að hafa tekið þá ákvörðun að fara frekar á tónleikana heldur en að byrja próflesturinn.  Nú er ég byrjuð tölfræðin og taugasálfræðin eru á dagskrá hjá mér í dag og ég hlakka til að takast á við námsefnið svona líka spennulaus eftir öll öskri, sönginn og hoppið í gærkvöldi.

Mér var líka hugsað til margra hér á blogginu frá því í sumar. Sigrúnu Sæmunds hitti ég snöggvast og hefði viljað geta spjallað við, en vonandi hittumst við í náinni framtíð. Allra þeirra sem heimsóktu síðuna mína en mest þó  Fanneyju (sem er algjör Stormari), Siggu, Biddu, Kela, Birgittu, Jórunni, Ester, Jóhönnu og Dömuna svo einhverjir séu nefndir 

Ég elska allt og alla og held að það hafi bara ekki gerst áður í upphafi próflesturs!!!!!!! 

Sometimes live is pain

Eins og núna þegar sólarhringarnir eru allt of stuttir og alls konar mál poppa upp sem ég hef í rauninni engan tíma til að sinna, hvað þá að leysa. Nú er ég til dæmis að læra fyrir próf þegar ég þyrfti að vera að gera að minnsta kosti 3 aðra hluti. 

Týpískt!!!! En svona undir niðri þá skil ég þetta allt saman. Það gerir lífið ekki endilega auðveldara. Til gamans þá má nefna það að nemi á öðru ári í sálfræði fer í vímuástand yfir því að fá yrir 8 í einkunn. Ég fékk fregnir af því frá góðhjörtuðum samnemanda mínum sem sparaði mér sporin út í Odda í gær að ég hafi komist yfir það mar í prófi í tölfræði 3     Jeyjjjjjjjjjjj

Í Odda er samfélag fólks sem lærir og lærir og lærir og svo lærir það líka ofan á allt hitt. Ég hef hitt fólk og kynnst úr ýmsum deildum og á ýmsum aldri. Það er einstaklega gaman af því. Núna er ég farin að skilja fyrrverandi BA nemendur sem ég hef átt samtöl við og tala um að Oddi sé þeirra annað heimili.

Í hnotskurn þá á ég tvö heimili (mitt og ODDI), fullt af frábærum samnemendum sem eru aðalhvatning mín í dag að undanskildum einstökum ektamaka sem stendur með mér í gegnum súrt og sætt (ef ég man þetta rétt)hehe 

Lífið er frumskógur, þar er fullt af plöntum sem eru fallegar, forvitnilegar og spennandi ( verst hvað ég hef lítinn tíma) 

 

Nú er nóg komið

Ég hef bara ekki haft neinn aukatíma fyrir BLOGGIÐ! Allt á fullu í skólanum nema hvað?????

Dóttir mín, frumburðurinn komin heim eftir ársdvöl eða svo í útlöndum og og og og..........

En svo að ég snúi mér að öðru. Lífið er stórkostlegt, snjórinn litar allt hvítt og birtan breiðist yfir land og lýð. Nú er ég svolítið upptekin af íslenskunni enda að læra fyrir próf í hugfræði og talsverð umfjöllum um lesblindu og erfiðleika samfara henni nánar tiltekið í stafsetningu. Ekki vissi ég að þeir sem væru lesblindir væru yfirleitt líka mjög slakir í stafsetningu.

Skólinn í vetur hefur verið skemmtilegur svona félagslega séð þrátt fyrir að ég hafi ekki enn farið í vísindaferð með krökkunum ;) Eina uppgötvun hef ég þó gert um sjálfa mig. Ég og próf í tölvuveri fer ekki saman. Greindartalan hríðlækkar og almennt stress tekur yfir á margföldum hraða. Þetta er ekki beint skemmtilegt og kostar mig að sjálfsögðu í einkunnum. 

Ég hef unnið talsvert á tölvur og jafnvel kennt öðrum en allt ekmur fyrir ekki. Ég bara lokast. Úff úff úff.

Það þýðir auðvitað ekkert að setja þetta fyrir sig ég verð bara að standa mig betur alls staðar annars staðar en í tölvuverinu. Svo var ég nú að lesa það einhvers staðar að það sem að skelfir þig svona það þarftu að æfa oftar svo að ef til vill ætti ég að leggja það til að það væri boðið upp á  fleiri próf í tölvuverinu :) muhahahahahahahahaha

En nú er pásan búin og mér ekki til setunnar boðið nema að ég sé að lesa glósur á sama tíma! 

Ætli margir hafi hugsað eins og ég?

Ég reyndi allt til að ná í miða strax upp úr hádegi en fékk au skilaboð á midi.is að engir miðar væru til sölu. Ég gafst á endanum upp en þótti samt skrítið að allir miðar væru búnir rétt upp úr hádegi. Dagurinn leið og ég sendi dóttur minni og samáhugamanni fyrir tónleikunum sms að ég hafi því miður ekki náð í neina miða buhunhhu.

Svo leið dagurinn og komið að kveldi þegar mín ákvað að prófa einu sinni enn bara svona að gamni mínu og viti menn þá gekk þetta bara smurt og við mæðgurnar getum staðið saman og rifjað upp skemmtilegheitin frá því í sumar og haust.

Ef til vill voru fleiri eins og ég bara héldu að allir miðar  væru búnir þegar álagið á tölvukerfinu var bara svona mikið ;) 

Miðar á Rock Star tónleika seljast hratt

Þetta kallar maður að fara hringinn ;)

Hvernig mun viðra næstu daga? Jú vindar munu blása úr öllum áttum nema austan,byrjar með suvestan og vestan átt, fer síðan yfir í sunnan, þaðan yfir í norðan og svo aftur í suðvestan. Hvað varð um austan vindinn????  það mun bæði verða heitt og kalt. Þetta minnir mig á kallinn sem leit að jafnaði til veðurs hvern morgun, athugaði vindáttina á spottanum sínum og sagði ..........

"Tja ef hann verðu ekki þurr í dag þá rignir hann!" 

Veðurstofan varar enn við óveðri

Já það er gott að búa á Íslandi

En mörg okkar komast ekki að því nema með því að fara til annarra landa þar sem munur á lífsgæðum eða einstaklingsfrelsi er mikill. Yndislegt að heyra af ferð Sigurrósar til Svasílands. Sjálfsagt er nú ekki mikið um slíkar uppákomur þar.

Líf meðlima Sigurrósar verður væntanlega ríkara eftir en áður :) 

Sigur Rós heimsótti Svasíland